Va Ukrainie čym dalej, tym bolš šyrycca humanitarnaja katastrofa. Bo rasijskija vojski, nie mohučy ničoha zrabić z supracivam ukrainskaj armii, śviadoma iduć na vajennyja złačynstvy, kidajučy bomby na žyłyja kvartały i abstrelvajučy ich. Sapraŭdnym simvałam katastrofy, jaki ciapier robicca viadomym na ŭvieś śviet, robicca horad Maryupal. U im užo bolš za tysiaču zahinułych, i kolkaść achviaraŭ raście. Siońnia prynamsi aficyjna, choć i z ahavorkami, pryznanaje toje, što nieaficyjna było viadoma i raniej — na zachopnickuju vajnu z Ukrainaj Rasija vysyłaje sałdat terminovaj słužby. Z zakryćciom nieba i navat ź pieradačaj Ukrainie bajavych samalotaŭ pa-raniejšamu ŭsio składana. A ŭžo na siońnia pryznačanyja pieramovy ŭ tureckaj Antalji ministraŭ zamiežnych spraŭ Rasii i Ukrainy. Na niejkija pazityŭnyja vyniki raźličvać nie vypadaje, ale praces idzie. «Naša Niva» sočyć za raźvićciom padziej.
Kamientary