Ukrainskija śpiecsłužby za miesiac likvidavali piać «botafiermaŭ» na 100 tysiač fejkavych akaŭntaŭ
SBU z pačatku vajny likvidavała piać «botafiermaŭ» mahutnaściu kala 100 tysiač fejkavych akaŭntaŭ. Pra heta paviedamiŭ pres-sakratar Słužby biaśpieki Ukrainy Arciom Diechtiarienko.

Paviedamlajecca, što «botafiermy» dziejničali na terytoryi Charkava, Ciarnopala, Čarkasaŭ, Pałtavy i Zakarpaćcia. Padčas pieratrusaŭ, praviedzienych SBU, było kanfiskavana kala 100 kamplektaŭ GSM-šluzaŭ, amal 10 tysiač sim-kartaŭ roznych mabilnych apierataraŭ, noŭtbuki i kampjutary.
Fejkavyja akaŭnty stvaralisia ŭ roznych sacyjalnych sietkach, u tym liku i zabłakavanych na terytoryi Ukrainy. Ź ich dapamohaj raspaŭsiudžvałasia niedakładnaja infarmacyja i publikavalisia kamientary, jakija apraŭdvajuć ŭvarvańnie Rasii va Ukrainu.
SBU zaviało ŭ suviazi z hetym kryminalnuju spravu pa artykule 110 Kryminalnaha kodeksa Ukrainy («Zamach na terytaryjalnuju cełasnaść Ukrainy»).
Kamientary