Kamandujučy abaronaj Maryupala: Jak pakazała praktyka, z Rasijaj damovicca nielha. I vieryć joj nielha
Ukrainski žurnalist Dźmitryj Hardon uziaŭ videaintervju ŭ kamandzira pałka «Azoŭ», Hieroja Ukrainy Dzianisa Prakapienki, jaki kamanduje abaronaj Maryupala. Chaładnakroŭnaść hetaha čałavieka ŭražvaje.
Rasijanam krytyčna važna ŭziać horad, kab Pucin zmoh adrapartavacca choć pra niejkuju ŭmoŭnuju «pieramohu» ŭ hetaj pravalnaj dla ich vajnie. Što ž ujaŭlaje saboj kiraŭnik abarony Maryupala, jaki ŭžo miesiac trymajecca ŭ poŭnym atačeńni?
Voś asnoŭnyja cytaty ź intervju Prakapienki:
«Jak pakazała praktyka vaśmi hadoŭ [vajny], z Rasiejaj damovicca nielha. A bolš za toje — joj nielha vieryć».
«My sprabavali nieadnarazova arhanizavać humanitarnuju dapamohu ŭ horad, kab nakarmić i niejak zabiaśpiečyć patreby mirnaha nasielnictva. Ale praciŭnik hetaha zrabić nie dazvoliŭ. Heta parušeńnie mižnarodnaha prava i Ženieŭskaj kanviencyi. Heta vajennaje złačynstva…»
«Uličvajučy, što acalełych budynkaŭ praktyčna nie zastałosia, davodzicca vieści bajavyja dziejańni praktyčna na ruinach».
«Čym daŭžej my budziem tut trymacca, čym bolš my budziem tut stajać, tym budzie praściej dychać i našaj stalicy, i ŭsioj Ukrainie ŭ cełym. A potym: kali nadydzie čas — my pojdziem u kontrataku i źniščym usich vakoł, chto tut staić — u Maryupali».
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary