Pa danych daśledavańnia raspaŭsiudžanaści faktaraŭ ryzyki nieinfiekcyjnych zachvorvańniaŭ Steps 2020 hoda (jaho pravodzili Ministerstva achovy zdaroŭja i Jeŭrapiejskaje rehijanalnaje biuro SAAZ), u 12,4% respandentaŭ była vyjaŭlena depresiŭnaja simptamatyka. Pryčym pracent raspaŭsiudžanaści siarod žančyn akazaŭsia bolšy (17,7%), čym siarod mužčyn (7%).
«Jakraz hetaja situacyja śviedčyć ab tym, što ŭzrovień depresiŭnaj simptamatyki dosyć vysoki i treba z hetym pracavać», — skazaŭ Alaksandr Paciejeŭ, hałoŭny ŭrač Respublikanskaha centra miedycynskaj reabilitacyi i balniealačeńnia.
Taksama jon adznačyŭ, što kolkaść depresiŭnych stanaŭ z časam pavialičyłasia, u tym liku z-za źnižeńnia sacyjalnaj i fizičnaj aktyŭnaści, a taksama źmieny charaktaru charčavańnia nasielnictva.
Bolš za ŭsio vypadkaŭ depresiŭnaj simptamatyki było vyjaŭlena ŭ Minsku — u bolš čym čverci nasielnictva. Druhoje i treciaje miesca zaniali Bresckaja (14,1%) i Homielskaja (11,8%) vobłaści adpaviedna. Mienš za ŭsio simptomy sustrakajucca ŭ žycharoŭ Minskaj (6,5%) i Viciebskaj (6,3%) abłaściej.
