Karym Bienziema staŭ hałoŭnym faktaram pieramohi «Reała» nad «Čełsi». Fota: Uefa.com
U minułym hodzie šlachi łondanskaha «Čełsi» dy madrydskaha «Reała» na šlachu da trafieja pierakryžavalisia ŭ paŭfinale. Tady anhličanie litaralna źniščyli supiernika.
Mahčyma, sumarny vynik dvuch matčaŭ, 3:1, pra heta naŭprost nie kazaŭ. Adnak statystyka tak zvanych «čakanych hałoŭ» (mietryka xG) demanstravała tatalnuju pieravahu chłapcoŭ Tomasa Tuchiela — 5:1.
Adnak sioleta na «Stemfard Brydž» madrydcy ŭziali pierakanaŭčy revanš. Try trapnyja streły Karyma Bienziema pieravažyli miač Kaja Chavierca dy prynieśli ispancam pieršuju ŭ historyi Lihi čempijonaŭ pieramohu nad «Čełsi».
Tym samym forvard nie tolki aformiŭ druhi zapar chiet-tryk u płej-of turnira, ale i staŭ samym vynikovym francuzam u turniry padčas asobna ŭziataha rozyhryšu.
U pieršynstvie-2021/22 vieteran adznačyŭsia 10 razoŭ, u toj čas jak jahony papiarednik David Trezehie zdoleŭ zabić maksimum 8 hałoŭ u spabornictvie-2001/02.
Dadamo, što raniej nivodzin z futbalistaŭ padčas sustreč Lihi čempijonaŭ nie adznačaŭsia chiet-trykam u bramu «Čełsi».
«Viljareał» siensacyjna skaryŭ miunchienskuju «Bavaryju» za košt hoła Danžumy. Fota: Uefa.com
Nie mienš hučnaja siensacyja zdaryłasia ŭ Viljareale, dzie ścipły miascovy kłub prymaŭ hranda, miunchienskuju «Bavaryju». Kab zrazumieć roźnicu ŭ kłasach dy biudžetach kłubaŭ, dastatkova ŭzhadać, što dalej paŭfinała ŁČ haspadary nikoli nie dabiralisia.
Dyj uvohule za ŭsiu historyju isnavańnia jany vyjhravali tolki Lihu Jeŭropy minułym hodam dy dvojčy zavajoŭvali Kubak Intertota. Tady jak niemcy tolki na mižnarodnaj arenie 14 razoŭ pieramahali ŭ roznych turnirach, a na radzimie dyk uvohule 31 raz stanavilisia čempijonami.
Tryumfatar Lihi Jeŭropy nie złamaŭsia pad ciskam čempijona Hiermanii. Fota: Uefa.com
Tym nie mienš, status apanienta nie zasmuciŭ haspadaroŭ. I ŭžo na vośmaj chvilinie jany adznačylisia, dziakujučy vysiłkam Danžumy. Nadalej ža karystalisia zališnim dysbałansam u abojmie «Bavaryi».
Hości choć i vystavili maksimalna atakujučy skład, adnak nijak nie mahli skaardynavać dziei na pałovie «Viljareała». Kali ž niebiaśpieka ŭsio-taki ŭźnikała, ścipłych ispancaŭ ratavaŭ bramnik Ruli. Jak vynik, naminalny aŭtsajdar pary źbiŭ z noh hihanta i damohsia histaryčnaha pośpiechu.
Ci atrymajecca hetuju pieravahu ŭtrymać u matčy ŭ adkaz, daviedajemsia 12 krasavika. Jak, darečy, i tryumfatara pary «Reał» — «Čełsi».
«Naša Niva» adnaŭlaje zbor danataŭ — padtrymać prosta
Čverćfinały futbolnaj Lihi čempijonaŭ: «Livierpul» pieramoh «Bienfiku», «Sici» skaryŭ «Atletyka»
