Zaachvočvańnie ekspartu, źnižeńnie pošlin — urad zaćvierdziŭ płan padtrymki ekanomiki
Adpaviedny dakumient padpisaŭ premjer Raman Hałoŭčanka.
Płan praduhledžvaje:
— padtrymku ekspartu i pašyreńnie kredytavańnia eksparcioraŭ niezaležna ad rynku pastavak biełaruskaj pradukcyi,
— źnižeńnie mytnych pošlin dla impartnych tavaraŭ, nieabchodnych dla vytvorčaści na ekspart,
— mahčymaść restrukturyzacyi zapazyčanaści i vypłaty pieniaŭ pa mytnych płaciažach,
— vystrojvańnie novych transpartna-łahistyčnych łancužkoŭ dla pieranakiravańnia ekspartnych patokaŭ,
— praca z rasijskimi kalehami pa pytańniach pavieličeńnia kvot, a ŭ pierśpiektyvie admiena dazvolnaj sistemy pieravozak hruzaŭ i kabatažu dla biełaruskich aŭtapieravozčykaŭ,
— stvareńnie z Rasijskaj Fiederacyjaj sumiesnych impartazamiaščalnych vytvorčaściaŭ,
— dadatkovuju finansavuju padtrymku dla małych i siarednich pradpryjemstvaŭ, jakija buduć vypuskać pradukcyju, jakaja nie vyrablajecca ŭ Biełarusi i Rasii,
— vyzvaleńnie biznesu ad administracyjnaj adkaznaści pa vynikach pravierak za ŭpieršyniu dapuščanyja i nienaŭmysnyja parušeńni,
— pradastaŭleńnie arhanizacyjam prava na atrymańnie subsidyj z FSAN dla ažyćciaŭleńnia dapłat rabotnikam, a taksama dziaržaŭnaj adrasnaj sacyjalnaj dapamohi niekatorym katehoryjam hramadzian u vyhladzie štomiesiačnaj sacyjalnaj dapamohi zychodziačy z dachodaŭ, atrymanych za 3 miesiacy,
— hrašovyja dachody, piensii, dapamohi buduć indeksavacca da ŭzroŭniu inflacyi,
— mahčymaść pradastaŭleńnia rezidentam PVT dastupnych ilhot i prefierencyj pa anałohii ź mierami, pryniatymi ŭ Rasii, u tym liku prava na adterminoŭku ad pryzyvu na vajennuju słužbu.
Taksama ŭ dakumient uklučanyja miery łakalnaha charaktaru pa padtrymcy pramysłovaści, budaŭničaj haliny, sielskaj haspadarki, transpartu i turyzmu.
Płan kompleksny i dazvolić padtrymać arhanizacyi realnaha siektara ekanomiki i ich pracoŭnyja kalektyvy, zabiaśpiečyć vykanańnie pradpryjemstvami biahučych abaviazacielstvaŭ, zachavać pracoŭnyja miescy i dachody nasielnictva, havorycca ŭ paviedamleńni ŭrada.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary