U vieraśni ŭ Kitai jamu ŭručać uznaharodu za lepšyja žurnalisckija zdymki na temu falkłoru.
U vieraśni ŭ Kitai jamu ŭručać uznaharodu za lepšyja žurnalisckija zdymki na temu falkloru.
Pracy Lankieviča pryznanyja adnymi z najlepšych u naminacyi «Śviaty». Biełaruski fatohraf, jaki addaŭna supracoŭničaje z NN, pradstaviŭ na konkurs svaje pracy pra pahanskija tradycyi, jakija zachavalisia ŭ siońniašniaj Biełarusi.
«Pa ŭsioj Biełarusi zdymaŭ Rusalle, Kupalle, Jurju. Zaraz zdymaju pahanskija kamiani,» — kaža pieramožca. «Dla Biełarusi ŭ hetaj pieramozie samaje hałoŭnaje toje, što pa ŭsim śviecie ŭbačać admietnaść. Heta admietnaść kulturnickaja, a nie palityčnyja. Ubačać, što jość tradycyi, jakim tysiačy hadoŭ».
Mižnarodny konkurs dla fatohrafaŭ ładzicca Kitajskaj falklornaj fatahrafičnaj asacyjacyjaj pry padtrymcy JUNESKA.
***
Andrej Lankievič naradziŭsia ŭ 1981 h. u Horadni. Maje stupień bakałaŭra humanitarnych navuk u halinie ekanomiki, atrymanuju ŭ Biełaruskim dziaržaŭnym universitecie.
U 2004—2005 vučyŭsia ŭ «Caucasus Media Institute» na seminary «World Press Photo» u Jerevanie, Armenija. U jakaści adnoj z častak prahramy niekalki miesiacaŭ žyŭ i vandravaŭ ź mienšaściu jezidaŭ u Armenii, jahony vynikovy fotaprajekt pra žyćcio jezidaŭ byŭ uhanaravany premijaj.
U červieni 2008 h. braŭ udzieł u prahramie, jakaja padtrymlivajecca «French Association Pour l'Instant», u ramkach jakoj źniaŭ fotasiužet «Sučasnyja instytuty siamji».
Vykładaje kurs pa fotažurnalistycy ŭ Eŭrapiejskim humanitarnym universitecie (Litva).
Ad 2005 hodu supracoŭničaje z «European Press Photo Agency» (EPA), u 2007 dałučyŭsia da «Anzenberger agency».
U 2001—2008 hadach supracoŭničaŭ ź niezaležnaj biełaruskaj hazetaj «Naša Niva».
Jahonyja pracy tasama publikavalisia ŭ takich mižnarodnych ŚMI jak «New York Times», «Le Figaro», «Newsweek», «Die Zeit», «Spiegel», «GEO», «GEO Lino», «International Herald Tribune».
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary