Mastacki muziej vykłaŭ videaekskursiju i 3D-tur pa vystavie da 100-hodździa muzieja Łuckieviča
U 2021 hodzie adznačaŭsia jubilej 100-hodździa z dnia zasnavańnia Vilenskaha biełaruskaha muzieja imia Ivana Łuckieviča. Hetaja značnaja padzieja ŭ kulturnym i muziejnym žyćci Biełarusi stała nahodaj dla praviadzieńnia vystavačnaha prajekta ŭ Nacyjanalnym mastackim muziei Respubliki Biełaruś u kastryčniku — śniežni 2021 hoda. Vystavu možna naviedać i siońnia, bo muziej zrabiŭ jaje dastupnaj anłajn u sučasnych farmatach.
![](http://nnexpictures.fra1.digitaloceanspaces.com/img/w732d4webp1/photos/z_2022_04/photo_2022-04-16_15-49-04-73daf.jpg.webp)
Ekspazicyja vystavy abjadnała muziejnyja pradmiety i dakumienty, što pachodziać sa zboraŭ Vilenskaha muzieja imia Ivana Łuckieviča i paśla jaho lividacyi zachoŭvajucca ŭ kalekcyjach biełaruskich muziejaŭ i archivach.
Z vystavaj možna znajomicca ŭ farmacie videaekskursii. Jaje viadzie kuratar vystavačnaha prajekta Dźmitryj Monič.
Taksama dastupny i 3D-tur. Tut možna chadzić pa vystavie samastojna, uvažliva razhladajučy kožny z vystaŭlenych pradmietaŭ z kalekcyi i čytajučy infarmacyju pra jaho.
3D-tur pa ekspazicyi i videaekskursiju muziej padrychtavaŭ razam z kłubam intelektualnaha volnaha času «Fakultatyŭ».
Kamientary