Vuściš jak jana jość. Pahladzicie, jak staršynia Łahojskaha rajvykankama baicca Łukašenki VIDEA
16 krasavika padčas subotnika Łukašenka pracavaŭ u Chatyni. Kali jon raskazvaŭ pra płany uźvieści novy budynak muzieja, to staršyniu Łahojskaha rajvykankama Alaksandra Łasieviča, što stajaŭ pobač, časam litaralna tresła ad strachu.
«Kab hetyja ekśpiertyzy, prajekty, śmiety, kab da 9 Maja było dakładziena, jak vy budziecie ŭkładvacca ŭ hety termin, — kaža Łukašenka. — Ja razumieju, što pabudavać my zmožam, ale budziem akuratna abstaloŭvać jaho. Pryjedzie siudy tuča ludziej, jak možna było płanavać budaŭnictva paśla 80-hodździa? [vidać, miełasia na ŭvazie 80-hodździe trahiedyi, što budzie ŭ 2023 hodzie]. To my nie zrobim nie tolki ŭ moj pieryjad žyćcia, ale i ŭ vaš. Tamu pačynać treba nieadkładna, što tut za prablema?
— Niama prablemy.
— Finansavańnie my zabiaśpiečym. To-bok vy i centralny biudžet. Pabialić abo pafarbavać, kab heta było pryziemlena da hetaj terytoryi, a to zaraz vy pačniacie rabić ź jeŭraramontami niejkimi. Nam treba bližej da toj terytoryi i toj idei, jakaja tut zakładzienaja. I nieadkładna pačynajcie budavać muziej.
— Dobra.
— Spraścicie jaho da niemahčymaści. Kab ludzi pryjšli i, pierš čym siudy stupić nahoj, kab u ich serca ŭžo rvała», — kazaŭ Łukašenka.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary