Sud Mazyrskaha rajona spyniŭ spravu ab administracyjnym pravaparušeńni ŭ dačynieńni da pravaabaroncy, aktyvista apazicyi Paŭła Nazdry, adnosna jakoha vajennym kamisaryjatam byŭ składzieny pratakoł za niesvoječasovaje infarmavańnie ab źmienie miesca pracy (art. 28.5 KoAP).
Sudavodstva pa spravie spyniena, bo Nazdra ŭžo byŭ pakarany hod tamu za hetaje pravaparušeńnie. 14 lipienia 2008 hoda apazicyjny aktyvist pryciahvaŭsia da administracyjnaj adkaznaści za toje, što paśla zvalnieńnia z pracy jon, źjaŭlajučysia vajennaabaviazanym, nie paviedamiŭ u vajenkamat ab zvalnieńni. Pavieł Nazdra byŭ pakarany štrafam u dźvie bazavyja vieličyni (70 tysiač rubloŭ).
«Vierahodna, mianie sprabujuć pryciahnuć da adkaznaści chacia b za što‑niebudź. Z pratakołam vajenkamata mianie aznajomili jašče ŭ lipieni, nie rastłumačyŭšy pry hetym maich pravoŭ, što ŭžo źjaŭlajecca parušeńniem. Tym bolš — sprabavali dvojčy pakarać za adno i toje ž dziejańnie. Cikava, što adrazu paśla suda mnie ŭručyli pozvu ŭ vajenkamat. Moža, za hetym budzie čarhovy sudovy razbor?» — skazaŭ u intervju BiełaPAN Pavieł Nazdra.
