Ukazam kiraŭnika dziaržavy sproščany mytny kantrol dla rezidentaŭ SEZ Biełarusi
U Biełarusi sproščany mytny kantrol dla rezidentaŭ svabodnych ekanamičnych zon. Heta praduhledžana ŭkazam prezidenta № 430, jaki ŭnosić dapaŭnieńni va ukazy ad 9 červienia 2005 hoda № 262 i ad 31 studzienia 2006 hoda №66.
Jak paviedamlaje pres‑słužba prezidenta, novy dakumient nakiravany na ŭdaskanaleńnie mytnaha zakanadaŭstva i rašeńnie prablemnych pytańniaŭ, jakija ŭźnikajuć u rezidentaŭ SEZ u pracesie ažyćciaŭleńnia imi haspadarčaj dziejnaści.
Zhodna z ukazam, z mytnaha kantrolu źniatyja syravina i materyjały, jakija vykarystanyja ŭ jakaści prob i ŭzoraŭ pry praviadzieńni łabaratornych vyprabavańniaŭ padčas bieśpierapynnaha technałahičnaha pracesu, na padstavie dadzienych buchhałtarskaha ŭliku bieź ich faktyčnaha pradjaŭleńnia mytnamu orhanu.
Heta daść rezidentam SEZ mahčymaść u dalejšym ažyćciaŭlać adbor prob i ŭzoraŭ kruhłasutačna z ulikam patrabavańniaŭ bieśpierapynnaha technałahičnaha pracesu biez dadatkovych nakładnych raschodaŭ.
Praduhledžvajecca taksama mahčymaść mytnaha afarmleńnia tavaraŭ, źmieščanych pad režym svabodnaj mytnaj zony (SMZ) i vykarystanych pry vytvorčaści budaŭniča‑mantažnych i ramontnych prac pa ŭzbudavańni abjektaŭ nieruchomaści, šlacham ich źmiaščeńnia novym uładalnikam pad mytny režym SMZ na padstavie dadzienych buchhałtarskaha ŭliku biez faktyčnaha pradjaŭleńnia hetych tavaraŭ mytnamu orhanu.
Akramia taho, praduhledžany pracedury, jakija dazvalajuć skaracić termin vyznačeńnia terytoryi SMZ dla inšaha rezidenta SEZ i pieryjad rehistracyi novych pradpryjemstvaŭ u jakaści rezidentaŭ SEZ.
Pryniaćcie Ukaza budzie sadziejničać dalejšamu raźvićciu SEZ, efiektyŭnaj realizacyi rezidentami dadzienych zon bujnych inviestycyjnych prajektaŭ, rostu abjomaŭ i ekspartu vypuskajemaj pradukcyi, padkreślivajecca ŭ paviedamleńni pres‑słužby.
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni7
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary