Pieršy abvinavačany ŭ zabojstvach u Bučy biełarus? Moža być pamyłka: hety čałaviek dvojčy sudzimy
Bučanskaja akruhovaja prakuratura abviaściła padazreńnie rasijskamu vajskoŭcu, uradžencu Biełarusi Siarhieju Kałaceju. Pa źviestkach śledstva, jon rasstralaŭ, sama mieniej, čatyroch cyvilnych u Bučy. Asnoŭny arhumient abvinavačvańnia — śviedki apaznali Kałaceja na tym viekapomnym videa, dzie rasijskija maradziory z Mazyra adpraŭlajuć dadomu nakradzienaje pad Kijevam. Ale heta moža być pamyłka.
Sam Kałacej abvinavačvańni admaŭlaje i śćviardžaje žurnalistam, što biezadnosna rasijskich vajskoŭcaŭ pasyłaŭ pasyłku ŭ Rasiju — a z kampanijaj u zialonym supaŭ u časie.
Jon, sapraŭdy, nie apranuty ŭ kamuflaž.
Svaju słužbu ŭ «Rashvardyi» jon admaŭlaje. U vajbiery Siarhiej karystajecca biełaruskim numaram.
Na karyść alibi Kałaceja śviedčać niekalki faktaŭ ź jaho bijahrafii. Jak paviedamili «Našaj Nivie» znajomyja Siarhieja, chłopiec dvojčy sudzimy — za ŭchileńnie ad słužby ŭ vojsku i za bojku z patrulnymi.
«Jon atrymaŭ 4 hady kałonii pa 363-m artykule, kali nakinuŭsia ŭ kłubie «Łahuna» na narad milicyi, jaki pryjechaŭ achałodžvać pył haračaj kampanii», — raskazali nam.
Z «Našaj Nivaj» Kałacej havaryć admoviŭsia, skazaŭšy, što nie tudy zvonim. Siastra Kałaceja pracuje ŭ mazyrskaj milicyi i taksama havaryć nie stała.
Čytajcie taksama: Pieršy padazravany z Bučy — hramadzianin Biełarusi?
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary