Bieraściejskija ŭłady zabaranili mitynh «Za svabodu! Za niezaležnaść!», pryśviečany 16-j hadavinie pryniaćcia Deklaracyi ab dziaržaŭnym suverenitecie Biełarusi.
Spačatku Bieraściejski harvykankam dazvoliŭ pravieści mitynh na stadyjonie «Budaŭnik». Adnak 25 lipienia ŭviečary arhanizataraŭ mierapryjemstva vyklikali va Ŭpraŭleńnie ŭnutranych spraŭ Bieraściejskaha abłvykankamu, dzie admovili ŭ praviadzieńni mitynhu.
Namieśnik kiraŭnika haradzkoj vertykali Viačasłaŭ Chafizaŭ patłumačyŭ: napiaredadni ŭ Bieraści raspaŭsiudžvalisia ŭlotki z zaklikam suprać dziejnaha ładu. Akramia taho, ułady źviarnuli ŭvahu na podpis pad ulotkami – «Abjadnanyja demakratyčnyja siły Bieraścia»: takaja arhanizacyja ŭ vobłaści nie zarehistravana.
Na dumku adnaho ź inicyjataraŭ mierapryjemstva, staršyni abłasnoj arhanizacyi partyi BNF Jurasia Hubareviča, asnoŭnaj z pryčynaŭ admovy paŭstaŭ planavany ŭdzieł u mitynhu lidera abjadnanych demakratyčnych siłaŭ Alaksandra Milinkieviča.
