Ciapier dyzielnaje paliva ŭ krainie kaštuje nie bolš za 2,34 rubla. Źbirajucca ž jaho pradavać na zapraŭkach u pamiežnych rajonach pa 3,58 rubla.
Heta maksimalnaja cana, jakuju ŭstaloŭvaje «Biełnaftachim», sietki AZS mohuć pradavać tańniej (naprykład, padčas akcyj), ale heta zdarajecca redka. A voś kab było daražej — takoje składana ŭjavić. Ale siońnia na niekatorych stancyjach źjaviłasia abjava: z 19 maja buduć pradavać DT pa 3,58 rubla, piša Onliner.by.
Čamu tak? Niadaŭna praciahnuli biaźviz — až da kanca hoda. Viadoma, što zamiežniki jeduć u tym liku pa paliva: u nas jano tańniejšaje. Taksama ŭspomnim, što Biełaruś uviała zabaronu na ŭjezd hruzavych aŭto, zarehistravanych u Jeŭrasajuzie. Było vyznačana niekalki miescaŭ, kudy dazvolena ruchacca takim hruzavikam dla pieračepki. Usie jany znachodziacca ŭ pamiežžy. I voś zakanamiernaje raźvićcio padziej — ceny na dyziel na AZS u pamiežžy pavysiać. Śpiecyjalna dla pryjezdžych. Voś pruf:
U papiery havorycca ab niejkim DT-Ł-K5 ECO. Vidavočna, havorka pra paliva sa śpiecyjalnymi prysadkami. Zajaŭlajuć prosta: heta paliva pryznačanaje dla vialikahruznaha transpartu rezidentaŭ ES. Kiroŭcam, jakija zvyklisia da ŭnutranych cen, prapanujuć adpravicca na inšuju zapraŭku. Ceny ŭstupajuć u siłu na vybranych stancyjach z 19 maja.
I heta nie adzinkavaja abjava. Padobny dakumient vyjavili i žychary Bresta na AZS-10 (niepadalok ad punkta propusku «Kazłovičy», vyjezd z horada).
U pieršaj ulotcy jość spasyłka na pastanovu Saŭmina №276. U joj sapraŭdy zhadvajecca pytańnie paliva: «Ustanavić «što na niekatorych AZS pry ažyćciaŭleńni roźničnaha handlu naftapraduktami spažyŭcam realizujucca aŭtamabilnyja bienziny ŭsich marak, a taksama dyzielnaje paliva vyklučna marki DT-Ł-K5, hatunak S, JESO, abo DT-Z-K5, hatunak F, ECO, abo DT-Z-K5, kłas 0, ECO, abo DT-Z-K5, kłas 2, JESO vytvorčaści AAT «Mazyrski naftapierapracoŭčy zavod» abo AAT «Naftan»».
U dakumiencie možna znajści i pieralik AZS. Ekanomnym dyzielistam varta abjazdžać ich: zapravić standartny bak u 40 litraŭ abydziecca krychu bolš za 143 rubli.
3,58 biełaruskaha rubla — heta pa aktualnym na dzień publikacyi ŭnutranym kursie 1,4 dalara. U Litvie litr dyziela kaštuje $1,889, u Polščy — 1,67, u Łatvii — 1,999, u Čechii — 1,951, u Niamieččynie — 2,171 (usie źviestki na 9 maja).
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia3
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary