Čyhunačny vakzał u Kramatorsku byŭ abstralany z akupavanaj terytoryi Danbasa
Ekśpiertyza SBU pakazała, što rakietny abstreł čyhunačnaha vakzała ŭ Kramatorsku 8 krasavika zrabili z akupavanaj terytoryi Danbasa, zajavili ŭ viedamstvie.

«Dziakujučy šerahu daśledavańniaŭ trajektoryi palotu rakiety i analizu inšych aśpiektaŭ udałosia vyśvietlić, što ŭdar byŭ zrobleny z terytoryi Danieckaj vobłaści, jakaja jašče z 2014 znachodzicca pad časovaj akupacyjaj Rasiei. Ekśpierty paćvierdzili, što dla abstrełu ŭžyli kiravanuju adnastupienčatuju ćviordapaliŭnuju rakietu 9M79−1 z zaradam kasiet — «Točka U», — prainfarmavali ŭ SBU.
U Słužbie biaśpieki adznačyli, što niekalki kompleksaŭ z «Točkaj U» raźmieščanyja na akupavanych terytoryjach Danbasa i vykarystoŭvajucca ŭžo 8 hadoŭ.
U vyniku abstrełu čyhunačnaha vakzała ŭ Kramatorsku zahinuŭ 61 čałaviek, jašče 121 atrymaŭ ranieńni.
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Kamientary