Na sajcie prezidenta Ukrainy stvaryli pietycyju z patrabavańniem vydavać hramadzianstva zamiežnym dobraachvotnikam, jakija abaraniajuć terytaryjalnuju cełasnaść Ukrainy. Abo inšy pravavy status, jakim dazvolić im i ich siemjam u vypadku nieabchodnaści atrymać sacyjalnuju i pravavuju abaronu, jak i ŭkrainskim hramadzianam.
Pa ciapierašnim zakonie Ukrainy, ludziam ź inšych krain, jakija dobraachvotna dałučylisia da abaroncaŭ, hramadzianstva nie dajuć. Kali dobraachvotnik atrymaje kalectva, patrapić u pałon abo zahinie, jon i jaho siamja nie atrymajuć naležnaj sacyjalnaj i pravavoj abarony.
Bolš za 2000 biełarusaŭ pajšli ŭ abaroncy Ukrainy z pačatku vajny. Dla ich jość dadatkovaja niebiaśpieka. Kali hramadzianin Biełarusi trapić u pałon vojskaŭ RF, jon budzie adpraŭleny ŭ Biełaruś. Tam jaho mohuć asudzić da pažyćciovaha pazbaŭleńnia voli abo naohuł da śmiarotnaha pakarańnia.
Padpisać pietycyju mohuć hramadzianie Ukrainy, a taksama zamiežniki, u jakich majecca elektronny ličbavy podpis, padatkovy numar i karta va ŭkrainskim banku.
Nieabchodna 25 tysiač podpisaŭ. Ź ich sabrana ŭžo 5000.
