Tkačoŭ: rynak sumnieŭny, a ŭ płanavańni šmat plusaŭ
Upłyvovy pamočnik prezidenta stavić pad sumnieŭ pierśpiektyvy rynkavaj ekanomiki i papiaredžvaje pra mahčymuju nacyjanalizacyju.
Pamočnik prezidenta Siarhiej Tkačoŭ vystupiŭ na staronkach «SB. Biełaruś siehodnia» z čarhovym prahramnym artykułam «Dziaržava i rynak». U im
Tkačoŭ apieluje da nienazvanych haziet i internet-sajtaŭ, na staronkach jakich «hučać zamovy z najbolš časta užyvalnym amorfnym terminam «rynak».
Na dumku pamočnika prezidenta, całkam daviaracca rynku niavarta. Tkačoŭ raspaviadaje pra dośvied «Novaha kursu» F.Ruźvielta i tłumačyć, što «nidzie i nikoli kryzisy nie pieradolvalisia praz umacavańnie rynkavych miechanizmaŭ». A voś da płanavańnia, naadvarot, «znoŭ viartajucca ŭ surjoznaj ekanamičnaj litaratury».
Asobnaj uvahi zasłuhoŭvaje pasaž prezidenckaha pamočnika nakont pryvatyzacyi. U im Tkačoŭ papiaredžvaje patencyjnych pryvatyzataraŭ, maŭlaŭ, kali treba, nacyjanalizujem vašyja pradpryjemstvy – «Nacyjanalizacyja pavinna stać takoj ža katehoryjaj, jak i pryvatyzacyja».
Tkačoŭ ab pryvatyzacyi:
«Nichto ŭ śviecie nidzie tak i nie dakazaŭ pieravahi pryvatnaj ułasnaści pierad dziaržaŭnaj z punktu hledžańnia efiektyŭnaści.Heta – pieršaje.
Druhoje. Kali ŭłaśnik majomaści vykarystoŭvaje jaje z parušeńniem zakanadaŭstva ci nieefiektyŭna, ci ŭvohule parušaje ekanamičnuju biaśpieku dziaržavy, to pavinny užyvacca pryncyp dziaržaŭnaj spraviadlivaści. Nacyjanalizacyja źjaŭlajecca jak palityčnym, tak i ekanamičnym srodkam śfiery adnosin ułasnaści…
Nacyjanalizacyja pavinna stać taki ž katehoryjaj ekanamičnaj praktyki, jak i pryvatyzacyja».
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
-
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
-
«Sproby stvaryć Łukašenku vobraz «samaha čałaviečnaha čałavieka» tolki padkreślivajuć krajniuju nialudskaść sistemy»
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary