Biełaruś pazbavili statusu naziralnika ŭ Enierhietyčnaj chartyi
Biełaruś i Rasiju pazbavili statusu naziralnikaŭ u Enierhietyčnaj chartyi, a taksama prypynili časovaje prymianieńnie dahavora ab Enierhietyčnaj chartyi ŭ dačynieńni da Biełarusi, paviedamlaje pres-słužba Ministerstva enierhietyki Ukrainy.
Adpaviednyja rašeńni pryniali na śpiecyjalnaj siesii Enierhietyčnaj chartyi, jakaja prajšła 24 červienia ŭ Brusieli. Pytańnie pazbaŭleńnia Biełarusi i Rasii statusu naziralnikaŭ u supolnaści ŭklučyli ŭ paradak dnia pa patrabavańni ŭkrainskaha boku, havorycca ŭ pres-relizie.
«Dziaržava-ahresar, što parušaje mižnarodnyja pahadnieńni, pahardžaje pravam inšych dziaržaŭ i narodaŭ, jak i jaje satelit, zasłuhoŭvaje mižnarodnaj izalacyi, u tym liku ŭ enierhietyčnych supolnaściach i arhanizacyjach», — prakamientavaŭ pastanovu ministr enierhietyki Ukrainy Hierman Hałuščanka.
Enierhietyčnaja chartyja zamacoŭvaje pryncypy supracoŭnictva ŭ śfiery abarony zamiežnych inviestycyj, vyznačaje tranzitnyja praviły ŭ dačynieńni da enierhietyčnych sistem i miechanizmaŭ vyrašeńnia sprečak pamiž inviestarami i dziaržavami.
Na hety momant u Damovy ab Enierhietyčnaj chartyi 53 padpisanty. Biełaruś i Rasija padpisali dahavor ab Enierhietyčnaj chartyi, adnak tak i nie ratyfikavali jaho. U toj ža čas Biełaruś vykarystoŭvała Damovu časova.
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary