Rasijskaja rakieta ŭdaryła pa handlovym centry ŭ Kramienčuhu, moža być vielmi šmat achviar
U horadzie Kramiančuh Pałtaŭskaj vobłaści rasijskaja rakieta patrapiła ŭ miascovy handlovy centr. U im na toj momant mahło znachodzicca šmat ludziej, Uładzimir Zialenski paviedamlaje pra bolš čym tysiaču. Tamu moža być vielmi šmat achviar.
Namieśnica ministra zamiežnych spraŭ Ukrainy Emine Džaparava paviedamiła, što rakiety patrapili ŭ handlovy centr «Amstor» za 300 mietraŭ ad čyhunačnaha vakzała. Pa jaje słovach, tam było niamała ludziej, jakija pryjšli kuplać pradukty. Na videa bačnyja čornyja hustyja kłuby dymu z handlovaha pamiaškańnia.
Paviedamlajecca, što na miescy ŭdaru vielmi šmat «chutkich». Moža być vielmi vialikaja kolkaść achviar, mahčyma, najbujniejšaja za ŭsie padobnyja vypadki.
Pakul što viadoma pra 20 paranienych, ź jakich 9 u ciažkim stanie. Užo paćvierdžana, što 2 ludziej zahinuła. Ratavalnaja apieracyja praciahvajecca.
Hety ŭdar pa Kramienčuhu — nie pieršy. 2 krasavika ŭ vyniku rasijskich avijaabstrełaŭ była źniščanaja infrastruktura Kramiančuhskaha NPZ — najbujniejšaha pradpryjemstva pa vytvorčaści naftapraduktaŭ va Ukrainie, jakoje zabiaśpiečvała bolš za tracinu ŭsiaho ŭkrainskaha rynku paliva. 12 maja abłasnyja ŭłady paviedamlali pra čarhovy abstreł Kremiančuhskaha NPZ.
18 červienia pa Kramienčuhu było vypuščana vosiem rakiet, ŭ vyniku abstrełaŭ paciarpiełych nie było.
Kamientary