Rusłan Kasyhin. Skrynšot ź videa
Pavodle vysokapastaŭlenaha vajskoŭca: «Terytoryja Polščy, jak, zrešty, i krain Bałtyi, pieratvarajecca ŭ palihon, na terytoryi jakoha ZŠA płanujuć raźviazać u Jeŭropie jašče adzin kryvavy kanflikt suprać Rasijskaj Fiederacyi i jaje chaŭruśnikaŭ».
Pakolki Złučanyja Štaty namahajucca paźbiehnuć pramoha ŭzbrojenaha sutyknieńnia z Rasijaj, ličyć Kasyhin, to tamu jany razam z sajuźnikami namahajucca stvarać napružanaść i «łakalnyja vajennyja kanflikty» z metaj uciahvańnia ŭ ich Minska i Maskvy.
Rusłan Kasyhin zaniepakojeny «impierskimi ambicyjami» Varšavy, jakaja, jak jon ličyć, pretenduje na lidarstva nie tolki va Uschodniaj, ale i ŭ Centralnaj Jeŭropie. Taksama jon zaŭvažaje «pakul hałasłoŭnyja, ale ŭ toj ža čas niebiaśpiečnyja sproby asobnych polskich palitykaŭ inicyjavać viartańnie tak zvanych spradviečna polskich ziamiel, pad jakimi majucca na ŭvazie zachodnija rehijony Ukrainy i Biełarusi». Kankretnych imionaŭ hetych polskich palitykaŭ ź nibyta revanšysckimi pamknieńniami jon, praŭda, nie pryvodzić. Bo nasamreč takija nastroi kali ŭ kaho ŭ Polščy i jość, to tolki ŭ palityčnych marhinałaŭ. U realnaj ža polskaj palitycy hetaj temy daŭno niama, i hramadstva pra terytaryjalnyja revanšy nie maryć.
Pradčuvańnie vajny i pieradziełu. Nie tolki z boku Rasii? — mierkavańnie
Pry hetym Kasyhin miarkuje, što ŭ budučyni polskaja armija budzie zdolnaja samastojna, «navat biez asablivaj padtrymki NATA, pravieści nastupalnuju apieracyju z abmiežavanymi metami suprać Respubliki Biełaruś».
Čaho vartyja ŭsie hetyja fantazii vysokapastaŭlenaha hienštabista, možna mierkavać pa źmiestu adnaho ź jahonych pasažaŭ, dzie jon pahražaje Polščy mahutnym imhniennym udaram u adkaz, u vyniku čaho pacierpiać «centry pryniaćcia rašeńniaŭ, elemienty sistemy kiravańnia, punkty pastajannaj dysłakacyi nacyjanalnych uzbrojenych sił, arsienały i bazy, a taksama krytyčna važnyja abjekty ich ekanomiki i transpartnaj infrastruktury».
Pavodle Kasyhina, «Respublika Biełaruś nie źjaŭlajecca prychilnicaj takoha scenaru, u hetym zacikaŭleny tolki paśladoŭniki Alena Dalesa, jakija arhanizoŭvali i zrynali niepažadanyja ŭrady, vykarystoŭvajučy samyja pierakručanyja sposaby i mietady hibrydnaj vajny, z užyvańniem zvyčajnych uzbrajeńniaŭ, dzie čałaviečaje žyćcio nie maje nijakaj kaštoŭnaści pry dasiahnieńni pastaŭlenych metaŭ».
Ale reč u tym, što tak zvany
«Płan Dalesa» — heta falšyŭka, jakaja časta tyražujecca rasijskimi šavinistyčnymi ŚMI, mifičny płan dziejańniaŭ ZŠA suprać SSSR. U tym vyhladzie, u jakim jon zvyčajna cytujecca antyzachodnikami na postsavieckaj prastory, jon nidzie nie publikavaŭsia, a anhlijski aryhinał jaho, zdajecca, nikoli nie isnavaŭ. Jaho prydumali ŭ 1990-ja.
Usprymać «płan Dalesa» jak nibyta sapraŭdny dakumient — toje samaje, što prymać za čystuju manietu «Pratakoły sijonskich mudracoŭ», stvoranyja ŭ pačatku XX stahodździa ŭ Rasijskaj impieryi dla apraŭdańnia antysiemickaj palityki. Ale biełaruskija čynoŭniki časta robiać akurat heta. U śniežni 2020 hoda videa pra «płan Dalesa» na sustrečy sa studentami BDU staviła staršynia Savieta Respubliki Natalla Kačanava, taksama heta rehularna zdarajecca i ź inšymi čynoŭnikami. Pry adsutnaści žyvoj ideałohii tolki i zastajecca źviartacca da fejkaŭ.
