Dla tych, chto choča ŭbačyć Pucina ŭ turmie, źjaviłasia takaja mahčymaść
Ź luboj kropki śvietu možna virtualna prahulacca pa papularnych słavutaściach Vilni — inicyjatyva Go Vilnius robić stalicu Litvy bolš adkrytaj i dastupnaj dla žycharoŭ inšych krain. Praz Google street view ciapier taksama možna ŭbačyć «źniavolenaha» rasijskaha prezidenta ŭ Łukišskaj turmie.
Łukišskaja turma — viadomaja byłaja litoŭskaja turma. Vykarystoŭvałasia jak miesca zaklučeńnia palityčnych apanientaŭ ułady padčas carskaj Rasii, Polskaj Respubliki, niamieckaj akupacyi i SSSR.
Z 2021 hoda — heta nadzvyčaj papularny turystyčny abjekt, dzie ładziacca kancerty i muzyčnyja fiestyvali.
Go Vilnius stvaryła virtualny adukacyjny tur pa Łukišskaj turmie. Naviedvalniki zmohuć virtualna ahledzieć vonkavuju terytoryju byłoj Łukišskaj turmy, dvoryki dla asudžanych, carkvu Śviatoha Mikałaja Cudatvorca.
Pačuŭšy ad naviedvalnikaŭ turemnych ekskursij, jakija z-za vajny va Ukrainie vykazvali mierkavańnie, što Łukišskaja turma była b idealnym miescam dla Uładzimira Pucina, arhanizatary vyrašyli realizavać heta, chacia b virtualna.
Dziakujučy technałohii Street View, ciapier možna pabačyć «zatočanaha» ŭ turemnuju kamieru rasijskaha prezidenta.
Kamientary