Za abrazu Łukašenki ŭ Śvietłahorsku asudzili byłoha rabotnika «Chimvałakna»
U sudzie Śvietłahorskaha rajona 22 lipienia byŭ vyniesieny prysud pa kryminalnaj spravie rabotnika «Chimvałakna» Aleha Čyčykajły, abvinavačanaha ŭ abrazie Łukašenki (č. 1 art. 368 Kryminalnaha kodeksa).
Spravu razhladała sudździa Halina Hulevič, paviedamlaje «Viasna».
Pra jaho zatrymańnie stała viadoma 31 maja, a 3 červienia jaho źmiaścili pad vartu ŭ SIZA-3 u Homieli.
Pa materyjałach abvinavačańnia, Čyčykajła pakinuŭ u internecie kamientaryj, jaki paličyli abraźlivym u dačynieńni da Łukašenki.
Sudovyja pasiadžeńni prachodzili ŭ budynku byłoha prafiesijnaha liceja chimikaŭ, dzie časova raźmiaščajecca sud Śvietłahorskaha rajona ŭ suviazi z rekanstrukcyjaj isnujučaha budynka.
Sud pryznaŭ Čyčykajłu vinavatym i pakaraŭ jaho pazbaŭleńniem voli ŭ kałonii ahulnaha režymu terminam na paŭtara hoda.
Užo ŭ paniadziełak, 25 lipienia ŭ śvietłahorskim sudzie znoŭ buduć sudzić za «abrazu prezidenta». U jakaści abvinavačanaj budzie žycharka Śvietłahorskaha rajona Natalla Leanovič.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary