Prysudzili kiraŭniku adździeła Viciebskaha KDK.
Da 10 hadoŭ pazbaŭleńnia voli z kanfiskacyjaj majomaści asudžany adzin z kiraŭnikoŭ Kamiteta dziaržkantrolu A.Łaškievič.
Jak vyśvietliła śledstva, kiraŭnik adździeła papiaredniaha rasśledavańnia upraŭleńnia Departamienta finansavych rasśledavańniaŭ KDK pa Viciebskaj vobłaści A.Łaškievič, vykarystoŭvajučy słužbovyja paŭnamoctvy, 14 listapada minułaha hoda atrymaŭ praz pasrednikaŭ chabar u pamiery 5 tysiač dalaraŭ za dapamohu ŭ spynieńni pravierki finansava-haspadarčaj dziejnaści dvuch indyvidualnych pradprymalnikaŭ, nakładańni minimalnych štrafnych sankcyj i niepryciahnieńnie adnaho ź ich da kryminalnaj adkaznaści.
Jak paviedamlaje pres-słužba Hienprakuratury, Sud Kastryčnickaha rajona Viciebska pryznačyŭ Łaškieviču pakarańnie terminam na 10 hadoŭ z kanfiskacyjaj majomaści i pazbaŭleńniem prava zajmać kirujučyja pasady ŭ pravaachoŭnych orhanach ciaham 5 hod.
Akramia taho, pavodle dadzienaj kryminalnaj spravy da 4,5 hadoŭ abmiežavańnia voli biez nakiravańnia va ŭstanovy adkrytaha typu asudžany jašče adzin hramadzianin za padbuchtorvańnie da dačy chabaru ŭ bujnym pamiery.
