Na biełaruskich miežach amal źnikli čerhi z hruzavikoŭ. Čamu tak adbyvajecca?
Pačynajučy z kanca vosieni minułaha hoda vielizarnyja čerhi z hruzavikoŭ na miežach Biełarusi i ES stali zvykłaj źjavaj. U pikavyja časy kiroŭcam davodziłasia tam stajać bolš čym pa 10 dzion u kožny bok, a 5-7 dzion čakańnia ŭvohule stali normaj. Adnak apošnimi dniami čerhi z hruzavikoŭ amal źnikli. «Naša Niva» raźbirałasia, u čym pryčyna.
Praz šmatkiłamietrovyja čerhi z hruzavikoŭ prykładna miesiac nazad u Biełarusi navat źjaviłasia novaja prafiesija — čałaviek, jaki trymaje miesca ŭ čarzie na miažy. Ale, miarkujučy pa apošnich źviestkach, hetyja ludzi zastanucca biez pracy.
Tak, naprykład, pa stanie na 16 hadzin 28 lipienia na łatvijskim kirunku zusim niama hruzavikoŭ, jakija čakajuć na vyjezd ź Biełarusi.
Na punktach propusku ź Litvoj u čakańni vyjezdu stajać usiaho kala 100 hruzavych aŭtamabilaŭ. Bolš za ŭsio mašyn u punkcie propusku «Pryvałka», tam nazirajecca čarha z 60 hruzavikoŭ. U punktach propusku «Vidzy» i «Kamienny Łoh» čakajuć na vyjezd ź Biełarusi ŭsiaho pa 20 hruzavikoŭ. U «Katłoŭcy» i «Bieniakoniach» naohuł niama čerhaŭ siarod fur.
Na polskim kirunku adnosna zahružanym zastajecca punkt propusku «Bierastavica», tam u čarzie na vyjezd ź Biełarusi stajać bolš za 160 vielikahruzaŭ. U «Kazłovičach» sabrałasia ŭsiaho kala 10 hruzavikoŭ.
Usie hetyja ličby vyhladajuć śmiešnymi ŭ paraŭnańniem z tym, što nazirałasia na miežach jašče ŭ pieršaj pałovie lipienia. Naprykład, 8 lipienia ŭ «Bierastavicy» ŭ čarzie na vyjezd u Polšču było amal 700 hruzavikoŭ. A ŭsiaho niekalkimi dniami raniej, 4 lipienia, u «Kamienym łozie» była čarha z bolš čym 1000 fur.
«Heta ŭsio sankcyi»
Śpiecyjalist u śfiery łahistyki patłumačyŭ «Našaj Nivie», što dla ludziej u temie źniknieńnie čerhaŭ ź vielikahruzaŭ nie źjaŭlajecca čymści niečakanym.
«Heta ŭsio nastupstvy sankcyj suprać Rasii, jaki byli pryniatyja jašče ŭ krasaviku. Paśla 10 lipienia nabyli siłu čarhovyja abmiežavańni, jakija zakranuli kala 150 mytnych kodaŭ. Śpis vielmi istotny, zakranaje roznyja haliny, tamu vielmi skaraciłasia kolkaść pazicyj, jakija možna vieźci ź Jeŭropy», — kaža łahist.
Śpiecyjalist miarkuje, što bližejšym časam nie varta čakać taho, što čerhi znoŭ viernucca.
«Abmiežavańni dziejničajuć z 10 lipienia, ale jeŭrapiejcy dazvolili ŭsim, chto paśpieŭ zahruzicca da hetaj daty, vyvieźci tavary ź Jeŭropy, kolki by tyja nie stajali ŭ čarzie. Mienavita pa hetaj pryčynie, u pačatku miesiaca my nazirali vielizarniejšyja čerhi na našych miežach. Imparciory zahadzia viedali, što chutka śpis zabaronienych da impartu tavaraŭ pavialičycca, tamu jany namahalisia maksimalna zapoŭnić składy. Pa tych pazicyjach, dzie heta mahčyma, zakuplalisia tavaram na hod napierad».
Śpiecyjalist adznačaje, što praz hetaja źmieny ŭžo pačali źnižacca staŭki na dastaŭku tavaraŭ u Biełaruś. Pa jahonych nazirańniach, kali raniej za dastaŭku hruzu z Hiermanii polskija i litoŭskija pieravozčyki brali pa 5-6 tysiač jeŭra, to za tydzień staŭki panizilisia na 1-2 tysiačy. Łahist miarkuje, što heta tolki pačatak, tamu ceny na dastaŭku ŭ Biełaruś buduć padać dalej.
Upłyŭ novych sankcyj adčuli na sabie i biełaruskija kiroŭcy, jakija pracujuć u jeŭrapiejskich kampanijach.
«Kali palaki zrazumieli, što z-za sankcyj dastaŭlać hruzy ŭ Biełaruś stała vyhadniej, čym rabić heta pa Jeŭropie, mnohija pieraklučylisia na ŭschodni kirunak. Mnohija navat padniali zarpłatu kiroŭcam, namahalisia ak maha čaściej brać zahruzki na Biełaruś, zvanili i pytali, ci hatovy jechać u rejs raniej za zapłanavany čas. Ciapier nastała cišynia, staŭki padajuć, zahruzak mała. Mahčyma, znoŭ buduć pracavać unutry Jeŭropy. Praz sankcyi vazić siudy ciapier amal niama čaho», — dzielicca dalnabojščyk.
«Naša Niva» — bastyjon biełaruščyny
PADTRYMAĆČytajcie taksama:
Miljony dalaraŭ štomiesiac. Kolki Biełaruś zarablaje na miažy
Najbujniejšy port Jeŭropy spyniŭ kantejniernyja pieravozki ŭ Rasiju
«Rasijanie vyvoziać mašyny cełymi aŭtavozami». Pierahonščyki mašyn uražany napłyvam klijentaŭ z Rasii
Kaho hladzieli bolej i što ŭ kamientarach? Paraŭnali navahodnija zvaroty Cichanoŭskaj i Łukašenki24
Kamientary