Maciušeŭski chodzić na dopyty jak na rabotu, a Kałaŭr čakaje, jak vyrašycca jahony los — što tam sa spravaj BiełVEBa?
Praciahvajecca rasśledavańnie «spravy BiełVEBa», u ramkach jakoj aryštoŭvali top-mieniedžmient banka na čale z Vasilom Maciušeŭskim. Ale, u zaležnaści ad vynikaŭ śledstva, situacyja moža paviarnucca i inšym bokam — i začapić Kałaŭra.
U kancy sakavika «Naša Niva» paviedamlała ab aryštach top-mieniedžmientu BiełVEBa na čale z kiraŭnikom Vasilom Maciušeŭskim. Inkryminavać jamu mohuć abo sychod ad spłaty padatkaŭ, abo złoŭžyvańnie słužbovymi paŭnamoctvami.
Akazałasia, što pahrom — vynik asobasnaha kanfliktu byłych blizkich siabroŭ: staršyni Nacbanka [i byłoha kiraŭnika BiełVEB] Paŭła Kałaŭra i Vasila Maciušeŭskaha.
My ŭ detalach apisvali hetuju zakručanuju historyju.
Čytajcie taksama: Aryštu Maciušeŭskaha papiaredničaŭ jaho kanflikt z Kałaŭram, i pahony za heta ŭčapilisia. Padrabiaznaści
Užo pad noč u toj ža dzień Maciušeŭskaha vypuścili z DFR šukać hrošy na «vykup» astatnich.
Jon źviarnuŭsia da Ihara Šuvałava — kiraŭnika rasijskaha Źniešekanombanka, toj dapamoh sa srodkami, u vyniku za 25 miljonaŭ dalaraŭ byli vypuščany inšyja supracoŭniki.
Razam z hetym, Maciušeŭski byŭ źniaty z pasady kiraŭnika banka.
Čytajcie taksama: Maciušeŭski raźvitaŭsia ź BiełVEBam paśla historyi z aryštam i vykupam.
Ale ŭ chutkim časie adbyłasia niebanalnaja historyja: Łukašenka vyklikaŭ Maciušeŭskaha da siabie na naradu pa pytańniach bankaŭskaha siektara. Kiraŭnik bankaŭskaha siektara — Pavieł Kałaŭr — pry hetym na naradzie nie prysutničaŭ, što redkaść.
Paśla hetaha Maciušeŭskaha adnavili ŭ pasadzie kiraŭnika banka, ź jakoha jon syšoŭ.
Užo pačaŭsia žnivień, ale, jak viadoma «Našaj Nivie», kryminalnaja sprava BiełVEBa nie skončana i aktyŭna rasśledujecca.
«Maciušeŭski dahetul jeździć u Śledčy kamitet jak na rabotu», — kažuć znajomyja ź situacyjaj.
Ad taho, jak u vyniku składziecca sprava, zaležyć i los jaje inicyjatara — staršyni Nacbanka Paŭła Kałaŭra.
«Kałaŭr dumaŭ (chacia naŭrad ci chacieŭ takoha pavarota ad pačatku), što sam vyjdzie ŭ damki, a tak nie atrymałasia — Łukašenka daručyŭ orhanam «razabracca» i daŭ adlihu Maciušeŭskamu. A značyć, pieramožcaŭ nie budzie. Adpaviedna, kali akažacca, što ŭ Maciušeŭskaha ŭsio ž bolš racyi ŭ hetaj situacyi, kali jon nabudzie vyhlad pakutnika, to Kałaŭru prydziecca za heta niejak adkazvać. A pra jaho Maciušeŭskamu, napeŭna, taksama jość, što skazać», — kažuć «Našaj Nivie» abaznanyja z bankaŭskaha siektara.
Źviazacca z aŭtaram i dapoŭnić temu možna ŭ telehram @artsiom_harbatsevich ci praz mejł a.harbatsevich@gmail.com
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary