Vadzicielskija paśviedčańni novaha ŭzoru płanujecca pačać vydavać u Biełarusi nie paźniej za 1 lipienia 2010 hoda. Pra heta na pres‑kanfierencyi 21 vieraśnia paviedamiŭ staršy inśpiektar Upraŭleńnia DAI MUS Andryjan Mačulski.
Uzor novaha vadzicielskaha paśviedčańnia raspracoŭvajecca ŭ MUS. Uviadzieńnie novych paśviedčańniaŭ vyklikana papraŭkami ŭ Kanviencyju ab darožnym ruchu 1968 hoda, jakija nabuduć moc 29 sakavika 2011 hoda.
Mačulski paviedamiŭ, što novyja paśviedčańni buduć mieć vyhlad płastykavaj kartki ź niekalkimi stupieniami abarony, u tym liku hałahramami i podpisam uładalnika. Katehoryi transpartnych srodkaŭ buduć paznačany piktahramami na advarotnym boku płastykavaj kartki. Da tych, što jość, płanujecca dadać jašče čatyry katehoryi transpartnych srodkaŭ: A1 (matacykły z abjomam ruchavika mienš jak 120 kub. sm), BE (lehkavy aŭtamabil z pryčepam), SIE (hruzavy aŭtamabil z pryčepam), DE (aŭtobus z pryčepam abo sučlenieny aŭtobus).
Płanujecca, što košt vadzicielskich paśviedčańniaŭ dla hramadzian składzie 30—35 tys. rubloŭ. Vydavać pravy buduć usie ŭpaŭnavažanyja padraździaleńni DAI ŭ dzień zvarotu hramadzianina.