U ramkach pravierki kamisijaj Hienštaba Uzbrojenych sił budzie acenienaja efiektyŭnaść pracy słužbovych asob haradskoha vykanaŭčaha kamiteta i troch rajonnych administracyj pa kiraŭnictvu farmavańniem terytaryjalnych vojskaŭ i vykanańniem vučebna-bajavych zadač.
Pravieranyja buduć Saviecki, Pieršamajski i Centralny rajony stalicy.
Tam buduć sfarmavanyja štaby terytaryjalnaj abarony i voinskija čaści terytaryjalnych vojskaŭ, jakim treba budzie vyrašać zadačy pa achovie abjektaŭ žyćciezabieśpiačeńnia nasielnictva i ŭdzielničać u zabieśpiačeńni hramadskaha paradku sumiesna z orhanami ŭnutranych spraŭ. Z zapasu na vajennyja zbory płanujecca sklikać bolš za 300 vajennaabaviazanych.
Mianabarony paviedamlaje, što asabovy skład terytaryjalnych vojskaŭ «adnović navyki ŭ vałodańni zbrojaj i technikaj, uspomnić funkcyjanalnyja abaviazki, praduhledžanyja adpaviednymi pasadami, padrychtujecca da vykanańnia zadač terytaryjalnaj abarony, u tym liku sumiesna z orhanami ŭnutranych spraŭ».
Pravierka zavieršycca kamandna-štabnym vučeńniem, padčas jakoha terytaryjalnyja vojski adpracujuć zadačy pa achovie i abaronie abjektaŭ, jakija zabiaśpiečvajuć žyćciadziejnaść horada, i zabieśpiačeńni pravaparadku.
