Na afišy — frahmient vystavy Ksišy Anhiełavaj «Biełaruski martyrałoh».
U prahramie fiestyvala — mocnaja muzyčnaja častka: kłasičny kancert opiernaj dzivy Marharyty Laŭčuk (9 vieraśnia), vystupleńnie etna-hurta Kriwi, dydžejski set niamieckaj i biełaruskaj muzyki ad Papa Bo Selektah Mix & Mingle (10 vieraśnia), kancert elektra-pop śpiavački PALINA — Respublika Palina (11 vieraśnia).
Teatr budzie pradstaŭleny: ź biełaruskaha boku — pierformansam Ihara Šuhaleva «375 0908 2334 /Cieła, jakomu vy telefanujecie, zaraz niedastupnaje». Jon adbudziecca 10 vieraśnia.
Ź niamieckaha boku — Bavarski lalečny teatr užo 11 vieraśnia prezientuje pastanoŭku «Lalka Trytratrułała viarnułasia» — śpiektakl budzie demanstravacca ŭ miežach admysłovaj prahramy dla dziaciej. Tut ža biełaruskaja muzyka i režysiorka Śvieta Bień praviadzie majstar-kłas dla dzietak «Dobry vołat».
Afiša fiestyvala
Kinabłok paradavaŭ niečakanaściami — hledačy fiestyvala atrymajuć mahčymaść ubačyć adny z najlepšych filmaŭ biełaruskich režysioraŭ: dakumientalny «Stryptyz i vajna» Andreja Kuciły i mastacki «Voziera radaści» Alaksieja Pałujana. Darečy, «Voziera radaści» — heta taja samaja stužka, jakaja vyłučałasia na «Oskar»ad Hiermanii/Biełarusi ŭ 2021 hodzie.
Hetaksama forum nie abminie i biełaruskaje sučasnaje mastactva. 10 vieraśnia ŭ miunchienskim Domie statystyki adkryjecca vystava mastački Ksišy Anhiełavaj «Biełaruski martyrałoh: Abliččy i styhmaty». Vykazvańnie aŭtarki — pra biełaruskich palitźniavolenych.
Hałoŭnaj ža placoŭkaj fiestyvala, akramia pieršaha dnia, stanie Backstage Kulturzentrum — adna ź viadomych scen u horadzie, «śpiecyjalizacyja» jakoj — alternatyŭnaja muzyka i mastactvy. Backstage Kulturzentrum raźmieščanaja na moście Frydenchajmiera ŭ rajonie Najchaŭzien-Nimfienburh i ŭklučaje ŭ siabie choł, kłub, fabryku i pab.
Adkryćcio padziei adbudziecca ŭ Prydvornym chramie Usich Śviatych, dzie vystupić, nahadajem, Marharyta Laŭčuk.
Kvitki na mierapryjemstvy možna nabyć tut.
Fiestyval arhanizujecca Biełaruskim abjadnańniem u Hiermanii RAZAM e.V., partnierami źjaŭlajucca Bayerische Staatskanzlei, die Heintze Stiftung.
užo śmiešna ( mocy ŭ jejnym hołasie i enierhietyki 0