Rasija i Biełaruś uzhodnili prahnozny bałans pa ŭzajemnych pastaŭkach praduktaŭ charčavańnia na 2010 hod: jon zastaniecca na ŭzroŭni 2009 hoda z mahčymaściu pavieličeńnia. Ab hetym 22 vieraśnia ŭ Maskvie zajaviła ministr sielskaj haspadarki Rasii Alena Skryńnik, paviedamlaje RIA Novosti.
Biełaruś pastavić u RF 2,8 młn. ton małaka i małočnaj pradukcyi, u tym liku 12 tys. ton suchoha nieraźviedzienaha małaka, 32 tys. ton suchoha abiastłuščanaha małaka, 50 tys. ton masła, 116 tys. ton syru i tvarahu, 40 tys. ton kancentravanaha małaka. Praduhledžvajecca raŭnamiernaje raźmierkavańnie zhadanych abjomaŭ pastavak małočnaj pradukcyi pa kvartałach na praciahu ŭsiaho nastupnaha hoda.
Miasa i miasapraduktaŭ Biełaruś pastavić u Rasiju ŭ nastupnym hodzie 145 tys. ton, u tym liku 90 tys. ton jałavičyny, 20 tys. ton śvininy, 8 tys. ton miasa ptuški i 27 tys. ton inšych vidaŭ miasnoj pradukcyi.
Abjom pastavak cukru‑piasku ź Biełarusi ŭ Rasiju płanujecca na ŭzroŭni 150 tysiač ton (štokvartalna budzie pastaŭlacca 37,5 tys. ton).
0
0
0
0
0
0