Recept na vychadnyja. Kiš z syru i cybuli — prostaja francuzskaja strava
Kiš (quiche) — kłasičny adkryty piroh ź piasočnaha ciesta rodam z Francyi. Isnuje šmat jaho varyjantaŭ, ale my prapanujem vam siońnia viehietaryjanski recept kiša z dvuma vidami syru i cybulaj. A zaadno padkažam, jak zrabić hety kiš sapraŭdy duchmianym i smačnym.
Fota: BBC Food
Kab zhatavać kiš z syru i cybuli, vam spatrebicca:
- 250 hramaŭ muki + jašče troški dla pasypańnia
- 125 hramaŭ astudžanaha masła, parublenaha na kubiki
- 25 hramaŭ ciortaha parmiezanu ci inšaha anałahičnaha ciortaha syru
- 4—5 stałovyja łyžki chałodnaj vady
- 1 čajnaja łyžka biełaha vinnaha vocatu (možna zamianić na jabłyčny vocat)
- 4 cybuliny (razrežcie kožnuju na 8 dolek)
- 2 nieačyščanyja zubki časnaku
- 2 stałovyja łyžki aliŭkavaha aleju
- 4 jajki + 3 žaŭtki
- 300 mililitraŭ viarškoŭ z 20% tłušču
- 2 čajnyja łyžki harčycy
- 1 halinka razmarynu (prybiarycie ź jaje liście i drobna narežcie halinku)
- 2 stałovyja łyžki pasiečanaj piatruški
- 100 hramaŭ naciortaha na bujnuju tarku syru čedar ci hrujer
- sol i śviežamołaty čorny pierac
- Kab zrabić ciesta, prasiejcie muku ŭ vialikuju misku. Dadajcie masła, potym łapatkaju ci nažom dla masła pasiačycie masła, pakul jaho kavałki nie stanuć u dva razy mienšyja. Praciahvajcie palcami ŭcirać masła ŭ muku, pakul ŭ cieście nie zastanucca tolki maleńkija kavałački masła. Dadajcie parmiezan i dobra prypraŭcie ŭsio sollu i piercam.
- Zrabicie ŭ sumiesi jamku, dadajcie chałodnuju vadu i vocat i pieramiašajcie ŭsio z dapamohaj špatala. Potym rukami źbiarycie ciesta ŭ šar. Spluščycie jaho da stanu dyska, nakryjcie viečkam i astudžajcie ciesta na praciahu 2 hadzin, pakul jano nie stanie ćviordym.
- Trochi prysypcie pracoŭnuju pavierchniu mukoj. Raskačajcie ciesta ŭ dysk taŭščynioj 2—3 milimietry i vykładzicie jaho ŭ formu dla pirahoŭ dyjamietram 20 santymietraŭ sa zdymnym dnom. Abrežcie liški ciesta z krajoŭ, pratknicie asnovu videlcam u niekalkich miescach i astudžajcie ciesta na praciahu 20 chvilin. Razahrejcie duchoŭku da 200 hradusaŭ.
- Raźmiaścicie pavierch ciesta kuchonnuju folhu ci papieru dla vypiakańnia i napoŭnicie jaje fasollu ci rysam. Vypiakajcie asnovu dla kiša na praciahu 15 chvilin ci pakul jaje baki nie stanuć załacistymi. Prybiarycie fasolu i folhu ci papieru i vypiakajcie jašče 5 chvilin, kab asnova padsochła.
- Kab zrabić načynku, pavialičcie tempieraturu duchoŭki da 210 hradusaŭ. Pakładzicie cybulu i časnok u asobnuju formu dla zapiakańnia, papyrskajcie alejem i piačycie 20 chvilin, pakul harodnina nie pačnie miakčeć i nie padrumianicca pa bakach. Prybiarycie z formy časnok i adkładzicie jaho ŭ bok. Pieraviarnicie cybulu i zapiakajcie jaje jašče 10 chvilin, pakul cybula nie pamiakčeje i nie stanie załacistaj. Astudzicie.
- Uźbicie ŭ miscy jajki i žaŭtki. Dadajcie viarški, harčycu i travy, dobra prypraŭcie ŭsio sollu i piercam. Vyciśnicie smažany časnok u hetuju sumieś i ŭźbivajcie jaje da adnastajnaści.
- Vykładzicie cybulu ŭ asnovu dla kiša, vysypcie źvierchu amal uvieś ciorty čedar (pakińcie asobna 2 stałovyja łyžki). Vylicie navierch jaječnuju sumieś i pasypcie jaje reštkami čedaru. Vypiakajcie kiš na praciahu 30 chvilin ci pakul načynka nie stanie załacista-karyčnievaj i nie zastynie. Padavajcie kiš ciopłym ci chatniaj tempieratury.
Kamientary