Apieratyŭniki ŭstanavili i zatrymali 30-hadovaha zamiežnika i 17-hadovuju biełarusku, jakija arhanizavali ŭ Minsku pracu pornastudyi i viali veb-tranślacyi na radzimu mužčyny, paviedamlaje pres-słužba MUS.
Mužčyna arandavaŭ kvateru, akciorami najmaŭ dziaŭčat i chłopcaŭ praz sacsietki abo pa rekamiendacyjach. Za adzin epizod płaciŭ ad 10 da 50 rubloŭ. Ustanoŭlena, što z sakavika pa vierasień u zdymkach paŭdzielničała kala 30 čałaviek, u tym liku niepaŭnaletnija.
Praz moŭny barjer mužčyna znajšoŭ 17-hadovuju pamočnicu. Dziaŭčyna vykonvała arhanizacyjnyja funkcyi, pravodziła hutarki z kandydatami i sama była «madellu».
U pamiaškańni vyjaŭlenyja dekaracyi, aśviatlalnaje i videaabstalavańnie, rekvizit i nazapašvalniki z zapisami tranślacyj. Taksama kanfiskavanyja bankaŭskija karty, na jakija klijenty pieraličvali hrošy za prahlad. Za dzień zarobak arhanizatara składaŭ da 2000 rubloŭ.
Zaviedzienaja kryminalnaja sprava za vyrab i raspaŭsiudžvańnie parnahrafičnych materyjałaŭ z vykarystańniem internetu.
Kamientary