O, rodny kut, jaki ty dziŭny! Nia viedaju nivodnaj krainy, dzie naviny amatarskaha sportu byli ŭ topie praŭradavych ŚMI dy jašče ŭ pik pieradvybarčaj kampanii. Dla prykładu: paralelna tamu, jak u Miensku chakiejnyja amatary pinali šajbu, u Omsku amatary ekstremalnaha biehu biehli pry minus 25. Adnak čamuści nivodzin maskoŭski tabloid nia vyjšaŭ pad šapkaj «Dadzim krainie ekstrymu!». Pucin taksama nie pierafrazavaŭ našaha ŭ zvarocie da suajčyńnikaŭ — «prykład maratoncaŭ-ekstremałaŭ varta prymieryć na siabie šmatlikim rasiejcam».
A kolki ŭ kaladnym turniry chakieistaŭ hlabalnaha symbalizmu. Kali ŭjavić, što našy prajhrali toj kubak, i pračytać pieradavicu ŭ «SB» staviačy pierad dziejasłovami admoŭnyja prynazoŭniki, to kraina zdajecca amal asudžanaj: «My nie pakazali našym spartsmenam, jak treba zmahacca i pieramahać. Tamu im budzie nia soramna, kali jany nie padzielacca z nami cudoŭnymi rezultatami (zaŭv.: u Turynie)…»
Ci maje choć jašče adzin amatarski turnir ci vid sportu takuju hramadzkuju vahu? Było b viesieła pabačyć na pieršaj staroncy «SB» artykuł «Na plažy Fieadosii biełaruskija amatary valejbołu, źjeŭšy kavun i razdaviŭšy dźvie masandry, vyjhrali va ŭkrainskich kalehaŭ, vyznačyŭšy takim čynam aryjenciry novaj piacihodki».
Jak bačym, my majem spravu chutčej ź niejkim rytuałam, čym z sapraŭdnym spartovym mierapryjemstvam. Dumka addać kubak inšaziemcam hučyć prosta pa-idyjocku. «Da, skažuć u narodzie, nia toj baćka ŭžo, zdaje». Toje ž skažuć, kali majku numar adzin uściahnie inšy. Jak bačym, u turniru intryhavalnaja budučynia.
Adzinym vychadam z hetaha koła było b abrańnie ŭ sakaviku Milinkieviča, jaki, jak fanat baskietbołu, u duchu novaj kańjunktury turnir by prykryŭ. Sapraŭdy śmiešna hučaŭ by u 2007-m kamentar z spabornictva: «Šajba ŭ Milinkieviča, jon prachodzić pa flanhu, žorstka bartuje praciŭnika, bje sudździu kluškaj i adpraŭlajecca na łavu štrafnikoŭ».
Pakul ža na miescy ŭładaŭ možna było b zrabić kamputarny symulatar «Kaladny turnir pa chakiei na pryzy prezydenta» i arhanizavać prymusovuju dystrybucyju hulki, u jakoj pieramahajuć vyklučna biełarusy. Hulnia dapamoža nacyi zalizvać rany, kali, naprykład, u Turynie paŭtorycca atenski abłom.
