Hienieralnaja prakuratura nakiravała ŭ sud kryminalnuju spravu pa abvinavačvańni namieśnika dyrektara DP «Haraŭtamost» u słužbovaj niadbajnaści. Jon, maŭlaŭ, viedaŭ pra defiekty ŭ kanstrukcyi mosta na Niamizie, ale nie pryniaŭ nieabchodnych zachadaŭ.
«Zhodna z materyjałami spravy, abvinavačany viedaŭ pra defiekty ryhiela pramiežkavaj apory puciepravoda praz vulicu Niamiha ŭ stalicy, jakija pastajanna prahresavali. Adnak nie arhanizavaŭ likvidacyju padnačalenymi najaŭnych defiektaŭ na stadyi, kali jany źjaŭlalisia nie niebiaśpiečnymi dla zbudavańnia i dla likvidacyi jakich patrabavalisia minimalnyja vydatki», — havorycca ŭ paviedamleńni Hienieralnaj prakuratury.
«Jak vynik — 8 studzienia 2022 hoda piešachodnaja častka puciepravoda abrynułasia», — dadali ŭ viedamstvie.
Hienieralnaja prakuratura pradjaviła abvinavačanamu taksama isk ab pakryćci pryčynienaj škody.
Nahadajem, u noč na subotu, 8 studzienia, u Minsku na vulicy Niamiha abrynułasia piešachodnaja častka mosta, paciarpiełych z-za poźniaha času nie było. Papiaredniaj pryčynaj abvalvańnia nazyvałasia stomlenaść kanstrukcyj mosta (u suviazi z pracaj mietro i pavyšanaj nahruzkaj z-za skačkoŭ tempieratur). Paśla za miesiac na tym miescy pabudavali novy most, ruch pa im dla ŭsich vidaŭ transpartu adnaviŭsia 11 lutaha.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary