Było zakuplena 44 hatunki piva najbujniejšych biełaruskich pradpryjemstvaŭ i viadučych pradpryjemstvaŭ Rasii, Ukrainy, Hiermanii. Piva na dehustacyju padavałasia ŭ zakrytaj butelcy, kožnaje pad svaim numaram, prysvojenym zahadzia. Pavodle acenki dehustataraŭ, lepšymi ŭ vaśmi z 10 hrup pryznany ajčynnyja hatunki piva.
Tak, lepšym u hrupie «Piva śvietłaje 10% nazvana piva «Alivaryja Dziesiatka» AAT «Piŭzavod «Alivaryja».
Pieršaje miesca ŭ hrupie «Piva śvietłaje 11%» atrymała piva «Hiosser» ZZAT «Pivavarnaja kampanija «Siabar». Pa hetaj hrupie aceńvałasia 10 uzoraŭ. Usie śpiecyjalisty pryjšli da adzinaha mierkavańnia, što pieršynstvujuć tut ajčynnyja hatunki, adznačajecca ŭ paviedamleńni pres‑słužby.
Vyšejšaja acenka ŭ hrupie «Piva śvietłaje 12%» taksama addadziena AAT «Piŭzavod «Alivaryja» ź pivam «Alivaryja załatoje». U naminacyi «Piva śvietłaje 14%» impartnaje piva pradstaŭlena nie było. Pieršaje miesca atrymała piva «Aleksandryja» AAT «Krynica».
Lepšym u naminacyi «Piva śvietłaje pšaničnaje niefiltravanaje 12%» z čatyroch pradstaŭlenych pryznana «Alivaryja biełaje załatoje» AAT «Piŭzavod «Alivaryja».
U naminacyi «Piva ciomnaje pšaničnaje niefiltravanaje 12%» lepšymi nazvany marki «Paułanier» i «Paułanier Braujerej» (Hiermanija).
U hrupie «Piva ciomnaje 12%» pieramahło «Lidskaje aksamitnaje» AAT «Lidskaje piva». U hrupie «Piva ciomnaje 14%» znoŭ pieršynstvuje AAT «Piŭzavod «Alivaryja» — «Alivaryja Trajeckaje». Lepšaje «Piva ciomnaje 18% — 20% — «Porter Brescki» AAT «Bresckaje piva».
U naminacyi «Biezałkaholnaje piva» lepšym pryznana «Abałoń załatoje» ZAT «Abałoń», Ukraina.
Pry abmierkavańni vynikaŭ pracedury kamisija pryjšła da adzinaha mierkavańnia, što piva, vyrablenaje ajčynnymi pivavarami, nie sastupaje, a časta i lepšaje pa jakaści za impartnaje.
Jak adznačyli śpiecyjalisty kancerna «Biełdziaržcharčpram», hałoŭnaj prablemaj biełaruskich vytvorcaŭ zastajecca pabudova dystrybucyi i markietynhavych kamunikacyj, chacia ŭžo mnohija ajčynnyja kampanii pastavili hety aśpiekt na pieršaje miesca i dasiahnuli zaŭvažnych pośpiechaŭ ŭ zamacavańni na rynku. Jašče adna prablema, ličać jany, — nie zaniaty ajčynnymi pivavarami siehmient rynku «premium» i «supierpremium», u jakim najbolš šyroka i pradstaŭlena impartnaje piva.
