Pavodle źviestak statystyčnaha ahladu, kolkaść nastaŭnikaŭ (uklučajučy sumiaščalnikaŭ) va ŭstanovach ahulnaj siaredniaj adukacyi ŭ 2021/2022 navučalnym hodzie ŭ Biełarusi skłała 106,7 tysiač čałaviek.
Pry hetym kolkaść nastaŭnikaŭ (uklučajučy sumiaščalnikaŭ) va ŭstanovach ahulnaj siaredniaj adukacyi krainy ŭ 2020/2021 navučalnym hodzie składała 111,4 tysiač. Heta značyć, za hod ahulnaja kolkaść nastaŭnikaŭ skaraciłasia na 4,7 tysiač čałaviek.
U toj ža čas u hetym navučalnym hodzie kolkaść vučniaŭ u dzionnych ustanovach ahulnaj siaredniaj adukacyi składała 1075,7 tys.čałaviek. Da prykładu, u 2012 hodzie, h. zn. 10 hadoŭ tamu hety pakazčyk składaŭ 928,2 tysiač čałaviek.
U statystyčnym ahladzie adznačajecca, što 86,7% usich školnych nastaŭnikaŭ ciapier — žančyny. Pry hetym 78,8% majuć pieršuju abo vyšejšuju kvalifikacyjnuju katehoryju.
Ahulnaja kolkaść nastaŭnikaŭ-pradmietnikaŭ (na pačatak 2021/2022 navučalnaha hoda) składała 67 tysiač čałaviek. Ź ich 55 tysiač žančyn i 12,1 tysiač mužčyn.
