U miežach štohadovaj narady ABSIE pa čałaviečym vymiareńni, jakaja adbyłasia 30 vieraśnia sioleta, pradstaŭniki Asamblei arhanizacyjaŭ zładzili kruhły stoł «193-1: Kryminalny pieraśled za dziejnaść niezarehistravanych arhanizacyjaŭ u Biełarusi». Na hetym mierapryjemstvie
načalnik adździeła pa rehistracyi hramadskich abjadnańniaŭ Ministerstva justycyi Aleh Śližeŭski paabiacaŭ, što ŭ Kryminalny kodeks buduć uniesienyja praŭki adnosna artykuła 193-1
U pracy kruhłaha stała «193-1: Kryminalny pieraśled za dziejnaść niezarehistravanych arhanizacyjaŭ u Biełarusi» udzielničali kala 30 čałaviek z roznych krainaŭ. Siarod prysutnych byli pradstaŭniki aficyjnaj delehacyi Biełarusi ź Ministerstva zamiežnych spravaŭ, Ministerstva justycyi i Ministerstva unutranych spravaŭ.
U miežach kruhłaha stała pradstaŭniki Asamblei NDA Biełarusi adznačyli: «My, usie vystupoŭcy, źjaŭlajemsia kryminalnymi złačyncami pavodle biełaruskaha zakanadaŭstva. Ale my pierakananyja, što prablema nia ŭ nas, a ŭ zakonach i dziaržavie, jakaja aŭtamatyčna zapisvaje ŭ złačyncy tysiačy biełaruskich hramadzianaŭ, adnačasova masava admaŭlajučy ŭ rehistracyi i zabaraniajučy niezarehistravanyja inicyjatyvy».
Za apošni miesiac dziejnaści kampanii «Stop 193-1» biełaruskija čynoŭniki niekalki razoŭ vykazvalisia, što ŭ chutkim časie kryminalnaja adkaznaść za dziejnaść ad imia niezarehistravanaj arhanizacyi źmienicca na administratyŭnuju. Padčas kruhłaha stała i padčas kanferencyi ABSIE pa čałaviečym vymiareńni čynoŭnik ź Miniusta, Aleh Śližeŭski, ŭ čarhovy raz paabiacaŭ, što źmieny ŭ Kryminalny kodeks buduć uniesienyja. Nijakich kankretnych zajavaŭ, kali budzie źmieniena zakanadaŭstva ci jakija kankretna praŭki płanujucca, Śližeŭski nie zrabiŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)