Matč 22‑hu turu čempijanatu Biełarusi pa futbole pamiž barysaŭskim BATE i navapołackim «Naftanam» pieraniesieny ź niadzieli, 4 kastryčnika, na paniadziełak 5 kastryčnika.
Pra heta NN paviedamiŭ pres‑ataše barysaŭskaha kłuba Siarhiej Daškievič.
BATE skarystaŭsia rehłamientam nacyjanalnaha čempijanatu, kali z pryčyny jeŭrakubkavaha matču hulniu možna pasunuć na dzień napierad.
Tak, naprykład, adbyłosia paśla matču 27 žniŭnia «Liteks» — BATE, kali hulnia ź minskim «Dynama» była pieraniesiena taksama ź niadzieli na paniadziełak.
Astatnija šeść matčaŭ 22‑ha turu projduć u niadzielu. Minskaje «Dynama» ŭ stalicy zhulaje z «Šachcioram».
Darečy, matčy dvuch supiernikaŭ BATE taksama pieraniesienyja na paniadziełak. AJEK u haściach zhulaje suprać «Ksanci», a «Bienfika» — suprać «Pasuš Fierejra». U niadzielu «Eviertan» prymie «Stok Sici».
0
0
0
0
0
0
