Sioleta na žnivie ŭ Biełarusi zahinuła 11 čałaviek. Hetuju infarmacyju spraŭdziŭ siońnia staršynia prafsajuzu pracaŭnikoŭ APK Uładzimier Navumčyk na čarhovym pasiedžańni Nacyjanalnaha savieta pa pracoŭnych i sacyjalnych pytańniach.
Pa dadzienych prafsajuza APK, sioleta kolkaść trahiedyjaŭ pavialičyłasia. U minułahodniaje žnivo zahinuli 6 čałaviek, jašče 9 byli paranienyja.
Śpis achviaraŭ pavialičvajecca. Na minułym tydni ŭ vioscy Čamla Pinskaha rajona žniajarkaj kambajna dla ŭborki kukuruzy była śmiarotna paraniena 79‑hadovaja miascovaja žycharka.
U kastryčniku taksama na kukuruznym poli zahinuŭ 74‑hadovy žychar vioski Siełaŭščyna Biarozaŭskaha rajona. Pensijaner źbiraŭ kukuruznyja kijachi i taksama trapiŭ pad vysokuju žniajarku kambajna.
A ŭ Bieraściejskim rajonie 47‑hadovy mužčyna, jaki znachodziŭsia na kukuruznym poli, byŭ mocna paranieny kambajnam. Uračam daviałosia amputavać abiedźvie łytki.
0
0
0
0
0
0