Z 1 listapada servis «Je-dastaŭka» pierastaŭ pracavać va ŭsich rehijonach Biełarusi, akramia Minska, Minskaj vobłaści, abłasnych centraŭ i Baranavičaŭ. Pradstaŭniki «Jeŭraopta» patłumačyli Office Life, z čym heta źviazana.
Pa słovach Aleny Sitdzikavaj, dyrektara pa markietynhu ZAT «Internet-krama Jeŭraopt», techničnyja mahutnaści «Je-dastaŭki» na hety momant dazvalajuć apracavać abmiežavanuju kolkaść zamoŭ.
«Analizujučy popyt na servisy «Je-dastaŭka» i «Jemoł», my vyznačyli, što naš druhi servis — «Jemoł» — karystajecca vialikim popytam pa ŭsioj Biełarusi, i asabliva ŭ rehijonach», — kaža Sitdzikava.
U vyniku kampanija vyrašyła aptymalnym čynam vykarystoŭvać svaje mahutnaści, padkreślivaje pradstaŭnik «Jeŭraopta».
«My sfakusavalisia na servisie «Jemoł» u rehijonach, a na «Je-dastaŭcy» — u Minsku i abłasnych haradach», — kaža jana.
Pa słovach Aleny Sitdzikavaj, heta rašeńnie dazvolić kampanii akazvać servis na vysokim uzroŭni, maksimalna zabiaśpiečvać patreby žycharoŭ u roznych haradach krainy.
U Minsku minimalnaja suma pakupak dla biaspłatnaj dastaŭki praz servis «Je-dastaŭka» ciapier składaje 70 rubloŭ, u Minskaj vobłaści i Baranavičach — 90, a ŭ abłasnych centrach — 150.
Dla «Jemoł» minimalnaja suma zamovy dla dastaŭki ŭ adździaleńni paštovaj suviazi «Jeŭrapošta» Minska i abłasnych haradoŭ — 25 rubloŭ, inšych nasielenych punktaŭ — 30.
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia24
Kamientary
panazyvali ŭsio Jeŭraoptami, Jeŭrapoštami... Pradsiajudaciali Łu, Pu i Si vojčań niedavolny!