Z kanca kastryčnika stali adnaŭlać pracu asobnyja kijoski «Mahiloŭsajuzdruku» ŭ Mahilovie, Babrujsku, Čavusach. Supracoŭniki sietki niaśmieła vykazvajuć aptymizm, što da kanca hoda adnoviać pracu niekalki dziasiatkaŭ handlovych punktaŭ pradpryjemstva, piša Mahiloŭ.Media.
Šmatlikija kijoski pradpryjemstva nie pracavali z červienia-lipienia hetaha hoda. U žniŭni kiraŭnictva AAT «Mahiloŭsajuzdruk» padało chadajnictva ŭ sud ab pryznańni bankructva z-za vialikich zapazyčanaściaŭ. Tady ž byŭ pryznačany kryzisny kiraŭnik, a «Mahiloŭsajuzdruk» uziaŭ kurs na viartańnie pazyk kredytoram.
U 2022 hodzie «Mahiloŭsajuzdruk» staŭ pastupova zakryvać svaje handlovyja punkty. Palicy ž mnohich z abjektaŭ handlu, jakija zastalisia, stajali napaŭpustymi, bo z-za finansavych ciažkaściej pradpryjemstva nie mahło zakupać papiaredni asartymient tavaraŭ.
U vyniku, kali pa stanie na studzień 2018 hoda «Mahiloŭsajuzdruk» mieŭ handlovuju sietku z 224 punktaŭ roznych vidaŭ, to na žnivień 2022 hoda zastałosia tolki 43 abjekty ŭ Mahilovie, Babrujsku i Čavusach, dy i tyja da vieraśnia začynilisia. Nakolki budzie praciahłaje i tryvałaje ciapierašniaje adnaŭleńnie — pakaža čas.
Kamientary