U pačatku listapada ŭ Halšanach na Ašmianščynie pačali zdymać mastacki film z pracoŭnaj nazvaj «My jediny». Jaho stvareńnie było anansavana raniej, i hety tvor pavinien, pa zadumie čynoŭnikaŭ, układacca ŭ tuju palityku histaryčnaj pamiaci, jakuju jany asabliva prapahandujuć apošni čas — z centram u vyhladzie «Dnia narodnaha adzinstva» 17 vieraśnia. Na zdymkach pabyvali žurnalisty ašmianskaj rajonki.
![](http://nnexpictures.fra1.digitaloceanspaces.com/img/w732d4webp1/photos/z_2022_11/img-05179d40f1905e44432efd2ffee9232e-v-jen0e.jpg.webp)
Padziei filma adbyvajucca ŭ 1925 hodzie. Pavodle rajonnych žurnalistaŭ, «hety składany čas dla Biełarusi adlustravany na prykładzie kankretnaj siamji, niaprostych uzajemaadnosin u joj. Prablema vybaru, psichałohija čałavieka ŭ składanych umovach, pryniaćcie žyćciovych rašeńniaŭ — usio heta vychodzić na pieršy płan».
![](http://nnexpictures.fra1.digitaloceanspaces.com/img/w732d4webp1/photos/z_2022_11/img-1107a73a4c8147e4988297236369628a-v-oezs7.jpg.webp)
Praca nad scenaryjem viałasia dastatkova doŭha, niekatoryja častki, jak śćviardžajecca, pierapisvalisia pa niekalki razoŭ. Adznačajecca, što aŭtary imknulisia pakazać situacyju maksimalna nabližanaj da rečaisnaści, tamu pracavali z archiŭnymi dakumientami, źviartalisia pa dapamohu da historykaŭ. Histaryčnyja kansultanty nibyta dapamahali z vybaram kaściumaŭ dla hierojaŭ i łakacyj dla zdymak.
![](http://nnexpictures.fra1.digitaloceanspaces.com/img/w732d4webp1/photos/z_2022_11/img-192ae6ec315cce85f4dea080505f0710-v-gk8iv.jpg.webp)
Dziejańnie filma achoplivaje dva nasielenyja punkty — Stoŭbcy i Rubiaževičy, adnak znajści adpaviednyja pabudovy tam akazałasia składana. Miascovyja budynki, jakija adpaviadajuć tamu času, vielmi źmianilisia, byli pafarbavanyja abo adrestaŭravanyja, a niekatoryja aktyŭna vykarystoŭvajucca pad roznyja mety. Halšany ž stali idealnym varyjantam dla zamieny, bo architektura miastečka jašče zachoŭvaje svaju samabytnaść.
![](http://nnexpictures.fra1.digitaloceanspaces.com/img/w732d4webp1/photos/z_2022_11/img-1f8787571b4608f0e8a99b4d9b36f763-v-97apo.jpg.webp)
Centr miastečka i vulica Zamkavaja nie raz i raniej źjaŭlalisia miescam dla zdymak dakumientalnych filmaŭ i mastackich karcin. U druhoj pałovie šaścidziasiatych hadoŭ u Halšanach zdymałasia mastackaja stužka «Vajna pad strechami». Paźniej Halšany pryvabili režysiora Dźmitryja Zajcava, jaki vybraŭ centr byłoha miastečka dla zdymkaŭ filma «Pamiž žyćciom i śmierciu». A niekalki hadoŭ tamu ŭ miascovym kaściole Śviatoha Jana Chryściciela adbyvalisia zdymki historyka-pryhodnickaha filma «Avantury Pranciša Vyrviča, škalara i špieha».
![](http://nnexpictures.fra1.digitaloceanspaces.com/img/w732d4webp1/photos/z_2022_11/img-ca45eba678fa29e520d68effb0206495-v-m53d7.jpg.webp)
U zdymkach filma «My jediny» biaruć udzieł kala tryccaci biełaruskich i rasijskich akcioraŭ, adnu z hałoŭnych rolaŭ vykonvaje rasijanka Antanina Dzivina. Masoŭku składajuć miascovyja žychary.
![](http://nnexpictures.fra1.digitaloceanspaces.com/img/w732d4webp1/photos/z_2022_11/img-b0f6796d5fa28904a7820c875049bec0-v-ptp5u.jpg.webp)
Vyrašać pytańni z padboram masoŭki, ustanoŭkaj dekaracyj, dastaŭkaj invientaru i inšym aktyŭna dapamahajuć miascovyja viertykalščyki i siłaviki.
![](http://nnexpictures.fra1.digitaloceanspaces.com/img/w732d4webp1/photos/z_2022_11/img-07405143179cb1e23a2d6448c0934ea3-v-sw3ke.jpg.webp)
Zaviaršyć zdymačny praces i prystupić da mantažu karciny płanujuć da kanca kalandarnaha hoda, vychad filma na vialikija ekrany čakajecca viasnoj nastupnaha hoda.
![](http://nnexpictures.fra1.digitaloceanspaces.com/img/w732d4webp1/photos/z_2022_11/img-47f417502c1416fd85a4505b74802603-v-tuzas.jpg.webp)
Kamientary
https://nashaniva.com/302755
vriad li budiet choť tolika pravdy