11 śniežnia polskaja PKP Intercity i litoŭskaja LTG Link zapuskajuć novaje złučeńnie Polščy ź Litvoj. U krainach ad savieckaha času zastałasia roznaja šyrynia čyhunačnaj kalainy. Tamu heta budzie nie pramoje spałučeńnie, a ź pierasadkaj, ale chvilinnaj.
Ciahniki buduć chadzić štodzionna pa maršrucie Krakaŭ — Varšava — Biełastok — Suvałki — Vilnia z karotkaj pierasadkaj u Mockavie. Daroha z Varšavy ŭ Vilniu budzie zajmać 9 čystych hadzin.
Z ulikam roźnicy ŭ časie daroha ŭ Litvu budzie atrymlivacca 10 hadzin, a nazad — 8.
Z Varšavy da Krakava daroha budzie zajmać dadatkova jašče try z pałovaj hadziny.
Ciahnik budzie kamfortnaj alternatyvaj aŭtobusu. Jany sa stalicy Litvy ŭ stalicu Polščy chodziać pa načach. I niedarahoj — samalotu. Sa stalicy Litvy ŭ stalicu Polščy lotaŭ tolki polski «Lot», bilety na jaho byli dastatkova darahija. Ceny ž na ciahnik majuć pačynacca ad niekalkich dziasiatkaŭ jeŭra.
Z Varšavy ciahnik budzie adpraŭlacca ŭ 7:35, ź Biełastoka — u 10:46, prybyćcio na pierasadačnuju stancyju Mockava — 14:41. A dalej z Mockava da Vilni ciahnik adpraŭlajecca a 15:05 i prybyvaje ŭ Vilniu ŭ 17:34.
Ciahnik ź Vilni budzie adychodzić a 12:10, u Mockavie jon budzie a 14:41. Z Mockava da Biełastoka ciahnik adjazdžaje a 15:14. U Biełastoku jon a 17:16, u Varšavie — u 20:14.
Raniej z Polščy ŭ Litvu chadzili ciahniki tolki ź Biełastoka da Koŭna i tolki na vychadnych.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary