Fota: AP
«Usio ŭ rukach Ukrainy. Nie tamu, što ja chaču śpichnuć hetuju temu na Zialenskaha i Ukrainu. Sapraŭdy, usio ciapier u rukach Ukrainy. Kali jany nie chočuć hibieli, prytym u vielizarnaj kolkaści, ludziej… Ciažka, ciažka, ale treba spynicca, treba heta spynić, tamu što dalej budzie poŭnaje źniščeńnie Ukrainy… Heta nie toje što budzie pahražać strataj dziaržaŭnaści, heta budzie źniščeńnie Ukrainy», — skazaŭ Łukašenka rasijskamu telekanału «Źviezda» na palach samita ADKB u Jerevanie.
Taksama Łukašenka skazaŭ, što Uładzimir Zialenski siadzie za stoł pieramovaŭ z Maskvoj «praz hod-dva» — jaho prymusiać abstaviny i ludzi.
«Pahladzicie praz hod-dva, narod jaho (Zialenskaha) budzie vinavacić: «Čamu ty zrabiŭ tak, što vajna hetaja pačałasia?» Tut pytańnie nie ŭ tym, chto maje racyju, chto vinavaty. Čamu tut u ciabie idzie vajna? Tamu voś hetaja voś situacyja budzie šturchać kiraŭnictva Ukrainy, kali jany razumnyja, da taho, kab sieści za stoł pieramovaŭ», — skazaŭ biełaruski kiraŭnik.
Pierad pačatkam vajny Alaksandr Łukašenka zajaŭlaŭ, što Rasija zachopić Ukrainu za 3—4 dni. Paźniej jon nie raz zaklikaŭ Ukrainu pahadzicca na patrabavańni Rasii. Biełaruskaja dziaržaŭnaja prapahanda chavaje, što rasijskija vojski byli raźbityja pad Kijevam, a paźniej pad Charkavam i Chiersonam i paviedamlaje tolki pra pośpiechi rasijskaj armii.
