Fota: AP
Damoŭlenaść pamiž Biełaruśsiu i Rasijaj pa adterminoŭcy kredytnych vypłat była dasiahnutaja ŭ sakaviku. Dziaržduma zaćvierdziła jaje ŭ listapadzie.
U vyniku pieraniesieny płaciažy ŭ pahašeńnie absłuhoŭvańnia zapazyčanaści pa ŭsich dziaržkredytach z sakavika 2022-ha pa krasavik 2023 hoda. Havorka idzie ab ahulnaj sumie $1,4 młrd. Hetyja vypłaty pieraniesieny na pieryjad z 2028-ha pa 2033 hod.
Jak zajaŭlaŭ člen kamiteta Savieta Fiederacyi pa mižnarodnych spravach Hryhoryj Rapota, ahulny limit vykarystańnia kredytu pavialičany na $25 młn, a taksama skarekciravana formuła raźliku štomiesiačnaha tranšu kredytu. Jašče adno źmianieńnie: płavajučaja, pryviazanaja da koštu rasijskaha dziarždoŭhu staŭka stała fiksavanaj. Ciapier jana składaje 12% hadavych.
