Apovieść «Aŭhaniec» čytajuć na Pieršym kanale radyjo. Praŭda, šviedskaha.
Siońnia na Pieršym kanale Šviedskaha radyjo, u pieradačy Radioföljetongen pačałosia čytańnie apovieści Vasila Bykava «Aŭhaniec». U šviedskim pierakładzie hety tvor nazyvajecca Veteranen.
Apovieść, pierakładzienuju na šviedskuju movu Nilsam Chokansanam, možna pasłuchać u vykanańni viadomaha ŭ krainie aktora Chielhie Skuha. Čytańnie «Aŭhanca» praciahniecca da 21 kastryčnika.
Pieradača Radioföljetongen maje farmat radyjoknihi: viadomyja aktory čytajuć litaraturnyja tvory ŭ supravadžeńni adpaviedna padabranaj muzyki.
«Heta vielmi papularnaja ŭ Šviecyi pieradača, — adznačaje paet i pierakładčyk Dźmitry Płaks. — Jana maje tut mnoha słuchačoŭ. I tvor biełaruskaha piśmieńnika tam hučyć upieršyniu. Heta vielmi šmat značyć, kali dadać, što jana idzie na Pieršym kanale. A ŭsiaho kanałaŭ na Šviedskim radyjo — sorak šeść».
«Aŭhaniec» — adzin z apošnich tvoraŭ Vasila Bykava. U im apaviadajecca pra vieterana Aŭhanskaj vajny, jaki pajšoŭ pracavać u słužbu achovy kiraŭnika dziaržavy. U Biełarusi apovieść drukavałasia ŭ časopisie «Dziejasłoŭ». U Šviecyi letaś vyjšła asobnaj knižkaj.
