U kancy vieraśnia prachodziła infarmacyja, što DFR prychodziŭ u hałaŭny ofis kampanii «Romaks», jakaja vałodaje dyskaŭntaram «Vostraŭ čyścini i smaku». Taksama paviedamlałasia, što byŭ zatrymany kiraŭnik hetaj kampanii Viktar Ramuk. Ciapier, jak paviedamlaje Tochka.by, kampanija vyrašyła svaje prablemy.
Jak paviedamlajecca, ciaham dvuch miesiacaŭ pravodzilisia pravierki haspadarčaj dziejnaści sietki. U vyniku supracoŭnikami Departamienta finansavych rasśledavańniaŭ KDK byli vyjaŭlenyja «niaznačnyja parušeńni» ŭ biahučaj apieratyŭnaj dziejnaści słužbovych asob retejlera. Za dapuščanyja pamyłki ŭładalnikam hrupy kampanij u poŭnym abjomie vypłačany štraf, pamier jaho nie ŭdakładniajecca.
«U vyniku orhany atrymali ŭsie adkazy na ich pytańni, ułaśnikam pahašanyja ŭsie finansavyja pretenzii», — raspaviała Tochka.by krynica, znajomaja z chodam spravy. Kramy ž ni na dzień nie prypyniali svajoj pracy.
Uładalnik biznesu Viktar Ramuk ciapier na voli i zapeŭnivaje, što ŭ najbližejšy čas asartymient tavaraŭ u sietcy budzie adnoŭleny.
«Kramy, biezumoŭna, buduć praciahvać svaju pracu, a dla pakupnikoŭ buduć zachavanyja spraviadlivyja ceny. Z pastaŭščykami viaducca hruntoŭnyja pieramovy pa adnaŭleńni adhruzak na raniejšym uzroŭni», — padkreślivaje biznesmien.
«Vostraŭ čyścini i smaku» — adna z najbujniejšych u Biełarusi sietak bytavoj chimii i haspadarčych tavaraŭ. Raniej jana nazyvałasia «Vostraŭ čyścini» i pradavała ŭ asnoŭnym myjnyja srodki i pradmiety hihijeny, ale apošnim časam pašyryła svoj asartymient za košt charčovaj pradukcyi. Pad hetaj markaj u 110 haradach Biełarusi siońnia pracuje kala 600 śpiecyjalizavanych kram.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary