Biełaruski ofis Fondu Konrada Adenaŭera (KAS Belarus) u supracoŭnictvie ź Lavonam Volskim ažyvili vobraz našaha pieršadrukara Francyska Skaryny.
KAS Belarus vypuskaje muzyčnyja klipy niekalki razoŭ na hod. Heta dapamahaje danosić infarmacyju da šyrokich hrup hledačoŭ. Hetym razam fond vyrašyŭ pakazać histaryčnuju značnaść Biełarusi dla Jeŭropy, a taksama — ich adnaznačnuju ŭzajemasuviaź.
U 2022 hodzie śviatkujecca 500 hadoŭ vydańnia «Małoj padarožnaj knižycy» Francyska Skaryny ŭ Vilni. Stalica Litvy stała sapraŭdnym domam dla mnohich biełarusaŭ, jak i dla Biełaruskaha ofisa Fondu Konrada Adenaŭera. U hetym horadzie pieraplatajucca mnohija biełaruska-jeŭrapiejskija historyi.
KAS Belarus dzielicca historyjaj stvareńnia klipa:
«My adrazu vyrašyli, što European Superstar — heta Francysk Skaryna. Raskazali pra našu ideju Lavonu Volskamu, jamu spadabałasia, i jon dałučyŭsia da prajekta.
Našaj metaj było zrabić cikavy pradukt jak dla biełarusaŭ, jakija viedajuć pra Skarynu nie z čužych słoŭ, tak i dla našych zamiežnych hledačoŭ.
Praz muzyku i animacyju my vyvieli Skarynu z knižnaha kantekstu, u jakim mnohija biełarusy pryvykli jaho bačyć sa škoły. My staralisia ažyvić jaho sučasnymi, miescami niečakanymi, a časam navat śmiešnymi malunačkami.
Dla nas važna, kab u Skarynie pierastali bačyć piersanaža padručnika historyi, akružanaha datami i zvańniami, ale ŭbačyli žyvoha čałavieka, biełarusa, jaki prajšoŭ składany šlach i pakinuŭ značny ŭkład nie tolki ŭ biełaruskaj, ale i ŭ jeŭrapiejskaj historyi».
Mnohija biełarusy zaraz paŭtarajuć šlach Francyska Skaryny i taksama ŭnosiać svoj układ u historyju roznych krain i haradoŭ. KAS Belarus dapamahaje znajści kropki sudakranańnia na hetym šlachu.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary