Łukašenkaŭcy ŭzialisia za tych, chto dasyłaŭ paviedamleńni ŭ Nexta — imavierna, Pratasievič nikoli nie čyściŭ čaty
U łukašenkaŭskich kanałach źjaviłasia infarmacyja pra toje, što jany pačali raźbirać paviedamleńni, jakija prychodzili ŭ bot zvarotnaj suviazi telehram-kanała Nexta. Byłyja supracoŭniki miarkujuć, što infarmacyju treba ŭsprymać surjozna, bo ŭ aryštavanaha Ramana Pratasieviča byŭ dostup da čataŭ.
Łukašenkaŭcy śćviardžajuć, što ŭ ich jość infarmacyja pra 30 tysiač akaŭntaŭ, ź jakich u Nexta dasyłałasia infarmacyja.
Pravieryć hetuju ličbu niemahčyma.
«Kali sychodzić z taho, što Raman nikoli ničoha nie čyściŭ, a, mahčyma, niešta jašče i archivavaŭ, to moža vyhladać jak praŭda. Jon byŭ u vialikaj kolkaści čataŭ — nie tolki bot Nexta, ale i bot BHM («Biełaruś hałaŭnoha mozhu»), a taksama čaty «Infapojnta» i inšyja, palityčnyja. Čaty mahli visieć u jaho roŭna da momantu, pakul jaho adtul nie dropali», — skazaŭ nam adzin z byłych supracoŭnikaŭ Nexta.
Pratasieviča aryštavali ŭ mai 2021-ha.
Redakcyja kanała Nexta apublikavała paviedamleńnie, u jakim kaža, što «imavierna, niejkaja častka pracoŭnaj infarmacyi sapraŭdy była vyhružana adnym z byłych supracoŭnikaŭ, a paśla pasadki samalota ŭ Minsku siłaviki ŭzłamali ci siłaj prymusili dać dostup da pryłady».
Adminy Nexta miarkujuć, što ŭ siłavikoŭ «niama ni imionaŭ, ni proźviščaŭ aŭtaraŭ hetych paviedamleńniaŭ — ich nie viedała navat redakcyja. Vierahodna, mahli zachavacca tolki ID niekatorych karystalnikaŭ». Tym, chto pisaŭ, jany rajać pierakanacca, što staryja akaŭnty, aktyŭnyja padčas pratestaŭ 2020 hoda, vydalenyja.
Raniej u Biełarusi prajšła chvala aryštaŭ za paviedamleńni ŭ bot «Čornaj knihi Biełarusi». Akazałasia, što ŭ kamandu byŭ ukaraniony ahient HUBAZiKa, jaki, vierahodna, i vałodaŭ infarmacyjaj taksama pra maršruty pierasoŭvańnia Prastasieviča i jaho eks-dziaŭčyny Safii Sapiehi.
Raspaviadajem, jakija danyja z ČKB mahli trapić da siłavikoŭ, što rabić, kali vy tudy pisali, i jak harantavać biaśpieku, kali pišacie ŭ boty
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary