Mer Žytomira: Połk Kalinoŭskaha budzie pierakinuty na miažu ŭ vypadku napadu ź Biełarusi
Połk Kalinoŭskaha, jaki źjaŭlajecca padraździaleńniem Uzbrojenych sił Ukrainy, budzie pierakinuty na miažu ź Biełaruśsiu ŭ vypadku novaha nastupu na Ukrainu z terytoryi našaj krainy. Pra heta ŭ efiry ŭkrainskaha telemarafonu zajaviŭ mer Žytomira Siarhiej Suchamlin.
«Litaralna niekalki dzion tamu ŭ mianie była sustreča z kiraŭnikom pałka Kalinoŭskaha — heta nasamreč sapraŭdnyja patryjoty Biełarusi, i ŭ vypadku interviencyi z boku Biełarusi hety połk budzie zdymacca z uschodu i pierachodzić mienavita na biełaruskuju miažu, kab u pieršych šerahach abaraniać Ukrainu i potym vyzvalać Biełaruś ad dyktatara Łukašenki», — skazaŭ Suchamlin.
Mer nie staŭ udakładniać, na jaki mienavita ŭčastak pryznačany połk, ale dadaŭ, što biełaruskija dobraachvotniki naładžvajuć suviazi z Rovienskaj, Vałynskaj i Žytomirskaj abłaściami.
U nastupnuju sieradu delehacyja čatyroch abłaściej źbirajecca naviedać vajennasłužačych pałka i pieradać im aŭtamabili, kvadrakoptery i h. d.
Suchamlin taksama zapeŭniŭ, što miaža ź Biełaruśsiu ŭ Žytomirskaj vobłaści nadziejna ŭmacavanaja: pabudavana šmat fartyfikacyjnych zbudavańniaŭ, bietonnyja aharodžy. Ciapier na miažy znachodziacca padraździaleńni USU i terabarony.
Ciaham apošnich miesiacaŭ pradstaŭniki pałka praviali sustrečy ŭ Viarchoŭnaj Radzie, a taksama sustrakalisia z kiraŭnictvam Rovienskaj i Vałynskaj abłaściej.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary