Arcybiskup Kandrusievič na Božaje Naradžeńnie havaryŭ pra Čyrvony kaścioł i pra mir va Ukrainie
U kaladnym nakazie arcybiskup Tadevuš Kandrusievič prasiŭ ab spraviadlivym vyrašeńni kryzisaŭ i miry va Ukrainie.
«Božaje Naradžeńnie — heta asablivaje śviata, bo nahadvaje nam ab tym, što Boh jość z nami va ŭsich žyćciovych abstavinach, navat kali my pieražyvajem strach, samotnaść abo smutak. Tamu my nie pavinny hublać z pola zroku boskaje śviatło, jakoje ažyŭlaje našuju nadzieju i nahadvaje, što Boh taksama źjaŭlajecca jak śviatło ŭ ciemry i choča ŭvajści ŭ našyja spravy i prablemy», — skazaŭ hanarovy mitrapalit Minska-Mahiloŭski Tadevuš Kandrusievič u nakazie pierad śviatam Božaha Naradžeńnia.
Kandrusievič dadaŭ, što paśla śviata ŭ śviecie «nie šmat źmienicca». «Zastanucca maralnyja, hramadska-palityčnyja, ekanamičnyja, ideałahičnyja, finansavyja, siamiejnyja i inšyja prablemy. Na žal, nieviadoma, kali pačnie dziejničać Čyrvony kaścioł u Minsku, kab znoŭ stać sučasnym Viflejemam i miescam sustrečy čałavieka z Boham. Nie zavieršycca ŭ adziny momant napružanaść u śviecie, u tym liku vajennyja dziejańni, jakija rujnujuć nie tolki haspadarku i infrastrukturu, ale taksama maralna i psichałahična niščać čałavieka», — skazaŭ jon.
Taksama jon nahadaŭ pra adkaznaść viernikaŭ. «Nielha iści na kampramis ź siekularnym i hrešnym śvietam. My pavinny słuchać Boha, a nie dahadžać praminalnamu śvietu».
Ale «niahledziačy na ŭsie patałohii sučasnaści», ludzi pavinny «vyjści sa śviata Božaha Naradžeńnia novymi, duchoŭna adrodžanymi i ŭmacavanymi praŭdaj Bohaŭvasableńnia».
«Niachaj Jezus svajoj łaskaj naradžajecca ŭ našych sercach i praz nas u našaj Ajčynie. Niachaj pryviadzie da spraviadlivaha vyrašeńnia ŭsich prablem i kryzisaŭ u našym asabistym žyćci i hramadstvie. Niachaj pryniasie mir bratniaj Ukrainie i ŭsiamu śvietu», — adznačyŭ arcybiskup.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary
NN, reśpiekt 4)